മഞ്ചേരിയിൽ നിസാമുകാർക്ക് ആവേശത്തുടക്കം?ബലാബലം ഒഡിഷയും ഈസ്റ്റ്‌ ബംഗാളും..

മലപ്പുറം മഞ്ചേരിയിൽ വെച്ച് അരങ്ങേറിയ സൂപ്പർ കപ്പിന്റെ ഗ്രൂപ്പ് ബി പോരാട്ടങ്ങളിൽ വിജയം നേടി ഹൈദരാബാദ് എഫ്സിയും, പോയന്റുകൾ പങ്കിട്ട് ഒഡിഷ എഫ്സിയും ഈസ്റ്റ്‌ ബംഗാളും.

വൈകുന്നേരം 5 മണിക്ക് നടന്ന മത്സരത്തിൽ ഐ ലീഗ് ക്ലബ്ബായ ഐസ്വാൾ എഫ്സിയെ ഒന്നിനെതിരെ രണ്ട് ഗോളുകൾക്കാണ് ഹൈദരാബാദ് വീഴ്ത്തിയത്.

ചിയാനിസ്(17), ജാവോ വിക്ടർ (51) എന്നിവർ ഹൈദരാബാദിനു വേണ്ടി വല കുലുക്കിയപ്പോൾ, വെരാസ് (95) ഐസ്വാൾ എഫ്സിയുടെ ആശ്വാസ ഗോൾ നേടി.

രാത്രി 8:30-ന് നടന്ന രണ്ടാം മത്സരത്തിൽ ഒഡിഷ എഫ്സി vs ഈസ്റ്റ്‌ ബംഗാൾ മത്സരം ഒരു ഗോൾ സമനിലയിൽ പിരിഞ്ഞു. മുബഷിർ 38-മിനിറ്റിൽ ഈസ്റ്റ്‌ ബംഗാളിന് ലീഡ് സമ്മാനിച്ചെങ്കിലും 73-മിനിറ്റിൽ നന്ദകുമാർ നേടുന്ന ഗോൾ ഒഡിഷ എഫ്സിയെ തോൽവിയിൽ നിന്നും രക്ഷിച്ചു.