Sanu
ഇന്ത്യൻ ഫുട്ബോൾ പ്രേമികൾക്ക് ഇടയിൽ ഓളം സൃഷ്ടിക്കുന്ന ഇന്ത്യൻ സൂപ്പർ ലീഗിന്റെ ഒമ്പതാം സീസണിന് ഇനി വെറും 4 ദിവസങ്ങൾ മാത്രമാണ് ബാക്കിയുള്ളത്. നിലവിലെ ലീഗ് ജേതാക്കളായ ജംഷഡ്പൂർ എഫ്സി മുതൽ കിരീടം നേടിയ ഹൈദരാബാദ് എഫ്സി വരെ കിടിലൻ ടീമുമായാണ് വരുന്നത്.
എന്തായാലും ഇപ്പോൾ ഇന്ത്യൻ സൂപ്പർ ലീഗിലെ എക്കാലത്തെയും പോയന്റ് ടേബിൾ പുറത്തുവിട്ടിരിക്കുകയാണ് ഐഎസ്എൽ അധികൃതർ. കഴിഞ്ഞ 8 സീസണുകളിൽ നിന്നും ടീമുകൾ നേടിയ പോയന്റ്സിനെ അടിസ്ഥാനമാക്കിയാണ് ഈ ലിസ്റ്റ് പ്രസിദ്ധീകരിച്ചത്.
ആദ്യ 5 സ്ഥാനങ്ങളിൽ ഇടം നേടാൻ കേരള ബ്ലാസ്റ്റേഴ്‌സ്, ബാംഗ്ലൂരു എഫ്സി ഉൾപ്പടെയുള്ള മുൻനിര ക്ലബ്ബുകൾക്ക് സാധിച്ചിട്ടുണ്ട്. അതേസമയം ഇന്ത്യൻ സൂപ്പർ ലീഗിന്റെ ഇതുവരെയുള്ള കണക്കുകളിൽ 200-ന് മുകളിൽ പോയന്റ്സ് നേടിയത് രണ്ട് ടീമുകൾ മാത്രമാണ്.
ഹീറോ ഇന്ത്യൻ സൂപ്പർ ലീഗ് ഒഫീഷ്യൽ ആയി പ്രസിദ്ധീകരിച്ച ഐഎസ്എല്ലിലെ എക്കാലത്തെയും മികച്ച അഞ്ച് പോയന്റ് വേട്ടക്കാരായ ക്ലബ്ബുകൾ ഇങ്ങനെയാണ് :
- എഫ്സി ഗോവ – 136 മത്സരങ്ങൾ – 214 പോയന്റ്സ്.
- മുംബൈ സിറ്റി എഫ്സി – 135 മത്സരങ്ങൾ – 205 പോയന്റ്സ്.
- ചെന്നെയിൻ എഫ്സി – 136 മത്സരങ്ങൾ – 170 പോയന്റ്സ്.
- കേരള ബ്ലാസ്റ്റേഴ്‌സ് എഫ്സി – 136 മത്സരങ്ങൾ – 164 പോയന്റ്സ്.
- ബാംഗ്ലൂരു എഫ്സി – 94 മത്സരങ്ങൾ – 155 പോയന്റ്സ്.
