Sanu
കേരള ബ്ലാസ്റ്റേഴ്സിന്റെ വിദേശ താരങ്ങളുടെ കളിയിൽ താൻ പൂർണ സന്തുഷ്ടനാണെന്നും, അവർ എന്തിന് വേണ്ടിയാണ് ഇവിടെ ഇന്ത്യയിൽ വന്നിരിക്കുന്നതെന്ന് അവർ തെളിയിച്ചു തരുമെന്നും കേരള ബ്ലാസ്റ്റേഴ്‌സ് പരിശീലകനായ ഇവാൻ വുകോമനോവിച്.
കഴിഞ്ഞ മത്സരത്തിലെ ബ്ലാസ്റ്റേഴ്സിന്റെ മുന്നേറ്റനിര വിദേശ താരങ്ങളായ അപോസ്‌റ്റോലാസ് ജിയാനു – ദിമിത്രിയോസ് ഡയമന്റാകോസ് തുടങ്ങിയവരുടെ പ്രകടനത്തിൽ സന്തുഷ്ടരാണോ എന്ന ചോദ്യത്തിനാണ് പ്രെസ്സ് കോൺഫറൻസിൽ ഇവാൻ മറുപടി നൽകിയത്.
ഹോം സ്റ്റേഡിയത്തിൽ ആദ്യമായി കളിക്കുന്നതിനാൽ ആഭ്യന്തര, വിദേശ കളിക്കാർക്കെല്ലാം പുതിയ അന്തരീക്ഷവുമായി പൊരുത്തപ്പെടാൻ സമയമെടുക്കുമെന്ന് പറഞ്ഞ ഇവാൻ ആശാൻ, എന്തുകൊണ്ടാണ് അവർ ക്ലബ്ബിൽ ചേർന്നതെന്ന് വിദേശ താരങ്ങൾ തങ്ങളുടെ കളിയിലൂടെ കാണിക്കുമെന്ന് അദ്ദേഹം ഉറപ്പുനൽകുന്നു.
“അവർ ഫിറ്റാണ്. അവർക്ക്‌ ആദ്യം അന്തരീക്ഷവുമായി പൊരുത്തപ്പെടണം, ഘട്ടം ഘട്ടമായി അവർ ഒരു വലിയ പസിലിലേക്ക് യോജിക്കും. ആദ്യ മത്സരത്തിൽ ആർക്കും അത്ര എളുപ്പമായിരുന്നില്ല, കാരണം അവർ ആദ്യമായാണ് കൊച്ചിയിലെ മൈതാനത്തെത്തുന്നത്.”
“വിദേശ താരങ്ങൾ മാത്രമല്ല, ആഭ്യന്തര താരങ്ങളും അങ്ങനെയാണ്. പുതിയ വിദേശ താരങ്ങളിൽ ഞങ്ങൾ സന്തുഷ്ടരാണ്, അവർ ഈ പ്രോസസ്സ് ഘട്ടം ഘട്ടമായി എടുക്കുകയും അവർ ഇവിടെ വന്നിരിക്കുന്നത് എന്തിനാണെന്ന് കാണിക്കുകയും ചെയ്യും.” – ഇവാൻ വുകോമാനോവിച് പറഞ്ഞു.
കേരള ബ്ലാസ്റ്റേഴ്‌സ് ടീമിന്റെ പ്രെസ്സ് കോൺഫറൻസ് വീഡിയോ ഇതാ :
