Sanu
ഇന്ത്യൻ സൂപ്പർ ലീഗിന്റെ ഈ സീസണിൽ കേരള ബ്ലാസ്റ്റേഴ്സിനു ഒരുപാട് ദൂരം മുന്നോട്ടു പോകാൻ കഴിയുമെന്ന് ശുഭപ്രതീക്ഷ പങ്കുവെച്ച് കേരള ബ്ലാസ്റ്റേഴ്സിന്റെ ഗ്രീക്ക് – ഓസ്ട്രേലിയൻ താരം അപോസ്‌റ്റോലാസ് ജിയാനു.
ഈയിടെ നൽകിയ ഒരു അഭിമുഖത്തിനിടെയിലാണ് താരം ഇക്കാര്യം സൂചിപ്പിക്കുന്നത്. നിലവിൽ എ ടി കെ മോഹൻ ബഗാനെതിരെയുള്ള മത്സരത്തെ കുറിച്ചാണ് തങ്ങൾ ചിന്തിക്കുന്നതെന്ന് പറഞ്ഞ ജിയാനു, ഇപ്പോൾ കേരള ബ്ലാസ്റ്റേഴ്‌സ് പാലിച്ചുകൊണ്ടിരിക്കുന്ന മെന്റാലിറ്റി നിലനിർത്തുകയാണെങ്കിൽ ലീഗിൽ ഒരുപാട് ദൂരം മുന്നോട്ടു പോകാമെന്നും കൂട്ടിച്ചേർത്തു.
“ഇപ്പോൾ, ഞങ്ങൾ ചിന്തിക്കുന്നത് അടുത്ത മത്സരത്തെക്കുറിച്ചാണ്, അത് ഈ ഞായറാഴ്ച എടികെ മോഹൻ ബഗാനെതിരെയാണ് നടക്കുന്നത്. ഞങ്ങൾ ഇത്തരത്തിലുള്ള മെന്റാലിറ്റി നിലനിർത്തുകയാണെങ്കിൽ നമുക്ക് ഇത്തവണ ലീഗിൽ ഒരുപാട് ദൂരം മുന്നോട്ടുപോകാം.” – അപോസ്‌റ്റോലാസ് ജിയാനു പറഞ്ഞു.
32 വയസുകാരനായ അപോസ്‌റ്റോലാസ് ജിയാനുവിന്റെ മനോഹരമായ ചലനങ്ങൾക്ക് വേണ്ടിയാണ് ബ്ലാസ്റ്റേഴ്‌സ് ആരാധകർ കാത്തിരിക്കുന്നത്. ആദ്യ മത്സരത്തിൽ മിന്നിതിളങ്ങാനായിലെങ്കിലും ഇന്ന് നടക്കുന്ന ഹോം മത്സരത്തിൽ താരം ഗോളുകൾ നേടുമെന്ന് ആരാധകർ പ്രതീക്ഷിക്കുന്നുണ്ട്.
