Sanu
ഇന്ത്യൻ സൂപ്പർ ലീഗ് സീസണിലെ തങ്ങളുടെ മത്സരത്തിൽ പഞ്ചാബ്എഫ്സിയോട് ഹോം സ്റ്റേഡിയത്തിൽ തോറ്റതിന് പിന്നാലെ നിരവധി വിമർശനങ്ങളാണ് കേരള ബ്ലാസ്റ്റേഴ്സിനും താരങ്ങൾക്കുമെതിരെ വരുന്നത്. അനായാസമായി വിജയിക്കാവുന്ന മത്സരമാണ് ലീഡ് നേടിയതിനു ശേഷം കേരള ബ്ലാസ്റ്റേഴ്സ് 3 ഗോളുകൾ വഴങ്ങി പരാജയപ്പെട്ടത്.
ബ്ലാസ്റ്റേഴ്സിന്റെ അടുത്ത മത്സരത്തിന് മുൻപായി നടന്ന പ്രെസ്സ് കോൺഫറൻസിൽ സംസാരിച്ച ബ്ലാസ്റ്റേഴ്സ് പരിശീലകൻ ഫെഡർ 100% സെറ്റായിട്ടില്ലെന്ന് പറഞ്ഞു. “വിസ പ്രശ്നങ്ങൾ കാരണം വൈകിയെത്തിയ ഫെഡർ ഇതുവരെയും 100% സെറ്റായിട്ടില്ല. -15 ഡിഗ്രിയിൽ നിന്നും ഇന്ത്യയുടെ കാലാവസ്ഥയിലേക്ക് മാറിയ താരം നന്നായി വരുന്നേയുള്ളൂ.” – ഇവാൻ വുകമനോവിച് പറഞ്ഞു.
ഈ മത്സരത്തിലൂടെ കൊച്ചി സ്റ്റേഡിയത്തിൽ ആരാധകർക്ക് മുന്നിൽ അരങ്ങേറാൻ ബ്ലാസ്റ്റേഴ്സിന്റെ പുതിയ വിദേശ താരമായ ഫെഡർ സെർനിച്ചിന് അവസരം ലഭിച്ചിട്ടുണ്ട്. ഒരുപാട് സമയം താരം കളിച്ചുവെങ്കിലും മത്സരത്തിൽ കാര്യമായ മാറ്റങ്ങൾ കൊണ്ടുവരാൻ യൂറോപ്യൻ സൂപ്പർ താരമായ ഫെഡറിനായില്ല.
