ഇന്ത്യൻ സൂപ്പർ ലീഗിന്റെ ഈ സീസണിൽ കിരീടപ്രതീക്ഷകൾ അവസാനിച്ച കേരള ബ്ലാസ്റ്റേഴ്സ് എഫ് സി ലീഗിൽ ശേഷിക്കുന്ന അവസാനം മത്സരം കളിക്കാൻ ഇറങ്ങുകയാണ്. ഹൈദരാബാദിനെതിരെ അവരുടെ സ്റ്റേഡിയത്തിൽ വെച്ചാണ് ഈ മത്സരം അരങ്ങേറുന്നത്.
അതേസമയം കേരള ബ്ലാസ്റ്റേഴ്സ് എഫ് സിക്ക്‌ ഇത്തവണ അത്ര മികച്ച റിസൾട്ടുകൾ അല്ല സീസണിൽ നിന്ന് ലഭിച്ചത്. കഴിഞ്ഞ മൂന്നു സീസണിലും പ്ലേഓഫ് കളിച്ച ബ്ലാസ്റ്റേഴ്സിന് ഇത്തവണ പ്ലേ ഓഫ് നേടാനായില്ല.
കഴിഞ്ഞ മൂന്ന് സീസണിലും ബ്ലാസ്റ്റേഴ്സിനെ പ്ലേഓഫിലേക്ക് തുടർച്ചയായി നയിച്ച പരിശീലകൻ ഇവാൻ വുകമനോവിചിനെ പുറത്താക്കിയ ബ്ലാസ്റ്റേഴ്സ് മാനേജ്മെന്റ് നീക്കങ്ങൾ ടീമിനെ ഈ സീസണിൽ നന്നായി ബാധിച്ചിട്ടുണ്ട്.
കൂടാതെ പകരം വന്ന കോച്ച് സ്റ്റാറേക്ക്‌ കീഴിൽ മോശം പ്രകടനം നടത്തിയ ബ്ലാസ്റ്റേഴ്സ് സ്റ്റാറേയെ പുറത്താക്കിയ ശേഷവും മികച്ച ഫോമിൽ എത്താനായില്ല. കേരള ബ്ലാസ്റ്റേഴ്സ് മാനേജ്മെന്റ് സ്വീകരിച്ച ട്രാൻസ്ഫർ നയങ്ങളും ടീമിന്റെ സന്തുലിതാവസ്ഥയെ ബാധിച്ചിട്ടുണ്ട്.