Sanu
സീസണിലെ പ്ലേ ഓഫ് മത്സരത്തിൽ ഒഡീഷ എഫ്സിയോട് മത്സരം പരാജയപ്പെട്ടതോടെ ഇന്ത്യൻ സൂപ്പർ ലീഗിന്റെ ഈ സീസണിലും കിരീടമില്ലാതെ മടങ്ങാനാണ് കേരള ബ്ലാസ്റ്റേഴ്സ്
എഫ്സിയുടെ വിധി.
പ്ലേ ഓഫ് മത്സരത്തിൽ ലീഡ് സ്വന്തമാക്കിയതിനുശേഷം ആണ് കേരള ബ്ലാസ്റ്റേഴ്സ് എഫ് സി ഒന്നിനെതിരെ രണ്ട് ഗോളുകളുടെ തോൽവി വഴങ്ങുന്നത്. നിരവധി പരിക്കുകളും ഫോമില്ലായ്മയും വേട്ടയാടിയ ഈ സീസണിൽ ഏറെ പ്രതീക്ഷകൾ ആയിരുന്നു തുടക്കത്തിൽ ലഭിച്ചത്.
ഒഡീഷ എഫ്സി യുടെ ഹോം സ്റ്റേഡിയമായ കലിംഗ സ്റ്റേഡിയത്തിൽ വച്ച് നടന്ന പ്ലേ ഓഫ് മത്സരം പരാജയപ്പെട്ടതോടെ മറ്റൊരു നാണക്കേടിന്റെ റെക്കോർഡ് കൂടി തിരുത്തി എഴുതാതെയാണ് ബ്ലാസ്റ്റേഴ്സ് മടങ്ങുന്നത്.
