Sanu
ഇന്ത്യൻ സൂപ്പർ ലീഗിന്റെ അടുത്ത സീസണിന് വേണ്ടിയുള്ള ഒരുക്കങ്ങളിലേക്ക് വേണ്ടി ഓരോ ടീമുകളും ശ്രദ്ധ കേന്ദ്രീകരിക്കുമ്പോൾ ട്രാൻസ്ഫർ മാർക്കറ്റിലും നിരവധി വമ്പൻ നീക്കങ്ങളാണ് നടക്കുന്നത്.
കേരള ബ്ലാസ്റ്റേഴ്സ് സംബന്ധിച്ച നിരവധി ട്രാൻസ്ഫർ വാർത്തകളാണ് പുറത്തുവരുന്നത്. നിരവധി താരങ്ങളുടെയും സ്റ്റാഫുകളുടെയും വിടവാങ്ങൽ കൂടി കേരള ബ്ലാസ്റ്റേഴ്സ് പങ്ക് വെച്ചിട്ടുണ്ട്.
അതേസമയം അടുത്ത സീസണിലേക്ക് വേണ്ടിയുള്ള കേരള ബ്ലാസ്റ്റേഴ്സ് എഫ്സിയുടെ സൈനിങ്ങുകൾ ഇനിയും വരാനുണ്ട്. മുന്നേറ്റനിരക്ക് ശക്തി പകരുന്ന ഒരു വിദേശ സൈനിങ് കേരള ബ്ലാസ്റ്റേഴ്സ് ഉടൻ പ്രഖ്യാപിക്കും.
എഫ്സി ഗോവയുടെ മൊറോക്കൻ സൂപ്പർ താരമായ നോഹ് സദോയിയുടെ സൈനിങായിരിക്കും കേരള ബ്ലാസ്റ്റേഴ്സ് ഉടൻ പ്രഖ്യാപിക്കുക. രണ്ട് വർഷത്തെ കരാറിലാണ് ഈ വിദേശതാരത്തിനെ കേരള ബ്ലാസ്റ്റേഴ്സ് കൊണ്ടുവരുന്നത്.
