Faf
ഐഎസ്എല്ലിൽ ട്രാൻസ്ഫർ വിപണി സജീവമാകുകയാണ്. ഫ്രീ ഏജന്റുകളുമായി ടീമുകൾ കരാറിലേർപ്പെട്ടപ്പോൾ കരാറിലുള്ള താരങ്ങൾക്ക് വേണ്ടിയുള്ള നീക്കങ്ങളും സജീവമാണ്. ഐഎസ്എല്ലിലെ ഇന്നത്തെ പ്രധാനപ്പെട്ട 10 ട്രാൻസ്ഫർ നീക്കങ്ങൾ പരോശോധിക്കാം.
- കേരളാ ബ്ലാസ്റ്റേഴ്‌സ് താരമായ ദിമിത്രി ഡയമന്തക്കോസിനെ സ്വന്തമാക്കാൻ മോഹൻ ബഗാന്റെ ശ്രമങ്ങൾ. നിലവിൽ ഫ്രീ ഏജന്റാണ് ദിമി. ദിമിക്ക് മുന്നിൽ ബ്ലാസ്റ്റേഴ്‌സ് ഒരു കരാർ മുന്നിൽ വെച്ചിരുന്നു. അതിനിടയിലാണ് മോഹൻ ബഗാനും താരത്തിനായി വമ്പൻ ഓഫർ മുന്നോട്ട് വെച്ചത്.
- ഗോകുലം കേരളയുടെ മലയാളി താരം നൗഫലിനെ സ്വന്തമാക്കി ഐഎസ്എൽ കപ്പ് ചാമ്പ്യന്മാരയ മുംബൈ സിറ്റി എഫ്സി
- മുംബൈ സിറ്റിയുടെ സ്പാനിഷ് താരം ട്ടിരിയെ സ്വന്തമാക്കാൻ നിരവധി ഐഎസ്എൽ ക്ലബ്ബുകൾ രംഗത്തുണ്ടെങ്കിലും താരത്തിന് മുംബൈയിൽ തുടർന്നാണ് താൽപര്യം. മുംബൈയുമായു താരം കരാർ പുതുക്കുന്നതിന് ചർച്ചയിലാണെന്നാണ് റിപോർട്ടുകൾ.
- എഫ്സി ഗോവയുടെ താരം ബ്രണ്ടൻ ഫെര്ണാണ്ടസിനെ മുംബൈ സിറ്റി എഫ്സി സ്വന്തമാക്കി
- കേരളാ ബ്ലാസ്റ്റേഴ്‌സ് സ്വന്തമാക്കാൻ ശ്രമിച്ച മുംബൈ താരം വിനീത് റായി പഞ്ചാബ് എഫ്സിയുമായി കരാറിലേർപ്പെട്ടു.
- മുംബൈ സിറ്റി എഫ്സിയുടെ മുന്നേറ്റ താരം ഗുർക്രീത് സിങ് ചെന്നൈയിൻ എഫ്സിയുമായി കരാറിലൊപ്പിട്ടു. മൂന്ന് വർഷത്തെ കരാറിലാണ് താരം ഒപ്പിട്ടത്.
- ബെംഗളൂരു എഫ്സി അവരുടെ സെർബിയൻ പ്രതിരോധ താരം അലക്‌സാണ്ടർ ജോവോനോവിച്ചുമായി ഒരു വർഷത്തെ പുതിയ കരാറിൽ ഒപ്പിട്ടു.
- മോഹൻ ബഗാൻ താരം കിയാൻ നസിറി ചെന്നൈയിൻ എഫ്സിയുമായി കരാറിലൊപ്പിട്ടു.
- മറ്റൊരു ബഗാൻ താരമായ ലാൽരിൽനിയാന നാംറ്റെയും ചെന്നൈയിൻ എഫ്സിയിൽ ചേർന്നു.
- മുംബൈ സിറ്റി എഫ്സിയിൽ നിന്നും ബ്ലാസ്റ്റേഴ്‌സ് ലോൺ അടിസ്ഥാനത്തിൽ ടീമിലെത്തിച്ച നവോച്ച സിംഗിനെ ബ്ലാസ്റ്റേഴ്‌സ് സ്ഥിരകരാറിൽ സ്വന്തമാക്കി.
