ബിഗ് ബോസ് സീസൺ ഏഴ് ആരംഭിച്ച് ദിവസങ്ങൾ മാത്രം പിന്നിടുമ്പോൾ, മത്സരാർത്ഥികളുടെ ഗെയിം പ്ലാനുകളെക്കുറിച്ചും വ്യക്തിപരമായ വിശേഷങ്ങളെക്കുറിച്ചും ചർച്ചകൾ സജീവമാവുകയാണ്. എന്നാൽ ഇതിനിടെ, താരങ്ങൾക്ക് ലഭിക്കുന്ന പ്രതിഫലത്തെക്കുറിച്ചുള്ള റിപ്പോർട്ടുകൾ ആരാധകരെ അമ്പരപ്പിക്കുന്നു.
ഈ സീസണിൽ ഏറ്റവും കൂടുതൽ പ്രതിഫലം വാങ്ങുന്നവരിൽ ഒരാളാണ് രേണു സുധി എന്നാണ് സൂചന. സാമൂഹ്യമാധ്യമങ്ങളിൽ ഏറെ ശ്രദ്ധ നേടിയ താരത്തിന് ഒരു ദിവസത്തേക്ക് ലഭിക്കുന്നത് 50,000 രൂപയാണെന്ന് റിപ്പോർട്ടുകൾ പറയുന്നു.
റേണുവുമായി ബിഗ് ബോസ് ടീം പലതവണ ചർച്ച നടത്തിയ ശേഷമാണ് ഈ തീരുമാനത്തിലെത്തിയത്. ഒരു ലക്ഷം രൂപ വരെയാണ് രേണു പ്രതിഫലമായി ആവശ്യപ്പെട്ടിരുന്നത്. നീണ്ട ചർച്ചകൾക്കൊടുവിലാണ് 50,000 എന്ന തുകയിൽ ധാരണയായത്.
ഷോർട്ട് ഫിലിമുകളും റീൽസും മോഡലിംഗുമായി തിരക്കിലായിരുന്ന രേണു സുധിക്ക് ബിഗ് ബോസിനായി 100 ദിവസത്തോളം മാറിനിൽക്കേണ്ടിവരും. ഈ സമയത്ത് മറ്റ് വരുമാന മാർഗ്ഗങ്ങൾ ഇല്ലാതാകുന്നത് പരിഗണിച്ചാണ് ഈ വലിയ തുക ആവശ്യപ്പെട്ടത്.
ഈ സീസണിൽ അനുമോളും രേണുവിനൊപ്പം ഉയർന്ന പ്രതിഫലം വാങ്ങുന്നവരിൽ ഒരാളാണ്. ബിഗ് ബോസ് ഹൗസിലെ താരങ്ങളുടെ മൂല്യം എത്രത്തോളമുണ്ടെന്ന് വ്യക്തമാക്കുന്നതാണ് ഈ വാർത്തകൾ.