കേരള ബ്ലാസ്റ്റേഴ്സിന്റെ ഏറ്റവും മികച്ച താരവും ടീമിന്റെ ചരിത്രത്തിലെ ഏറ്റവും മികച്ച ഗോൾ വേട്ടക്കാരനുമായ ദിമ്മി ടീം വിട്ട വാർത്തയാണ് പുറത്ത് വരുന്നത്.
ദിമി തന്നെയാണ് ബ്ലാസ്റ്റേഴ്സ് വിടുന്ന കാര്യം തന്റെ ഇൻസ്റ്റഗ്രാം അക്കൗണ്ടിൽ അറിയിച്ചത്.താരംരണ്ട് വർഷത്തെ ബ്ലാസ്റ്റേഴ്സ് കരിയറിനാണ് ഇതോടെ വിരാമം കുറിക്കുന്നത്.
ഈ സീസൺ അവസാനിച്ചതോടുകൂടി അദ്ദേഹത്തിന്റെ കോൺട്രാക്ട് പൂർത്തിയായിരുന്നു.ഈ കരാർ പുതുക്കാൻ കേരള ബ്ലാസ്റ്റേഴ്സിന് കഴിഞ്ഞിരുന്നില്ല.അദ്ദേഹം ആഗ്രഹിച്ച രൂപത്തിലുള്ള ഒരു ഓഫർ ക്ലബ്ബ് നൽകാതിരിക്കുകയായിരുന്നു. ഇതോടുകൂടിയാണ് ദിമി ക്ലബ്ബ് വിടാൻ തീരുമാനിച്ചിട്ടുള്ളത്.
ഐഎസ്എല്ലിലെ പല ക്ലബ്ബുകൾക്കും അദ്ദേഹത്തെ സ്വന്തമാക്കാൻ താല്പര്യമുണ്ട്. പ്രത്യേകിച്ച് ഈസ്റ്റ് ബംഗാൾ,മുംബൈ സിറ്റി,ബംഗളൂരു എഫ്സി എന്നിവരൊക്കെ ഈ താരത്തിൽ താൽപര്യം പ്രകടിപ്പിച്ചതാണ്.