Faf
ഇന്ത്യയിലെ പ്രീമിയർ 1 ലൈസൻസിനായുള്ള കേരളാ ബ്ലാസ്റ്റേഴ്സിന്റെ അപക്ഷേ തള്ളി. ഇന്ന് പ്രീമിയർ 1 ലൈസനസുമായി ബന്ധപ്പെട്ട് എഐഎഫ്എഫ് പുറത്ത് വിട്ട ഔദ്യോഗിക അറിയിപ്പിലാണ് കേരളാ ബ്ലാസ്റ്റേഴ്സിന്റെ ലൈസൻസിനായുള്ള അപേക്ഷ തള്ളിയതായി അറിയിച്ചത്.
ബ്ലാസ്റ്റേഴ്സിന്റെ മാത്രമല്ല, ഹൈദരാബാദ് എഫ്സി, ജംഷഡ്പൂർ, ഒഡീഷ എന്നിവരുടെ പ്രീമിയർ 1 ലൈസൻസിനായുള്ള അപേക്ഷകൾ തള്ളിയിട്ടുണ്ട്. കഴിഞ്ഞ സീസണിൽ ഐ ലീഗിൽ നിന്നും പ്രൊമോഷൻ നേടിയെത്തിയ പഞ്ചാബ് എഫ്സിയ്ക്ക് പ്രീമിയർ 1 ലൈസൻസ് ലഭിച്ചിട്ടുണ്ട്.
മുംബൈ സിറ്റി. മോഹൻ ബഗാൻ, എഫ്സി ഗോവ, ബെംഗളൂരു, ചെന്നൈയിൻ നോർത്ത് ഈസ്റ്റ്, ഈസ്റ്റ് ബംഗാൾ. മൊഹമ്മദൻസ് എന്നിവരുടെ പ്രീമിയർ 1 ലൈസൻസ് സംക്ഷനാവുകയും ചെയ്തിട്ടുണ്ട്.
ക്ലബ്ബിന്റെ അടിസ്ഥാന സൗകര്യങ്ങൾ, പ്രൊഫഷണലിസം എന്നിവ മാനദണ്ഡമാക്കിയാണ് എഐഎഫ്എഫ് പ്രീമിയർ 1 ലൈസൻസ് നൽകുന്നത്. എന്നാൽ കൊച്ചി സ്റ്റേഡിയത്തിലെ അടിസ്ഥാന സൗകര്യങ്ങളിലെ പ്രശ്നമാണ് ബ്ലാസ്റ്റേഴ്സിന് പ്രീമിയർ 1 ലൈസൻസ് ലഭിക്കാതിരിക്കാൻ കാരണമായതെന്നാണ് ഐഎഫ്ടി ന്യൂസ് റിപ്പോർട്ട് ചെയ്യുന്നത്.
എന്നാൽ അപേക്ഷ തള്ളിയെങ്കിലും ബ്ലാസ്റ്റേഴ്സിന് വീണ്ടും അപേക്ഷ നൽകാവുന്നതാണ്. എന്നാലും എഐഎഫ്എഫിന്റെ കണ്ണിൽ കേരളാ ബ്ലാസ്റ്റേഴ്‌സ് ഇപ്പോഴും പൂർണമായും ഒരു പ്രൊഫഷണൽ ക്ലബല്ല.
ALSO READ: ബ്ലാസ്റ്റേഴ്സിന്റെ ഡബ്ബിൾ സൈനിങ്‌; യുവതാരങ്ങൾ ടീമിലേക്ക്
ALSO READ: ബ്ലാസ്റ്റേഴ്സിന്റെ അടുത്ത പരിശീലകൻ ഇംഗ്ലണ്ടിൽ നിന്നോ?; പുതിയ സൂചനകൾ പുറത്ത്
