ഇവന്മാരോട് എപ്പോഴും ബ്ലാസ്റ്റേഴ്‌സ് തോൽക്കുന്നു; ഇത് ക്ലബിന് നാണക്കേട് തന്നെ… കാരണമെന്തായിരിക്കും..

132മത് ഡ്യൂറൻഡ് കപ്പിലെ ആദ്യ മത്സരത്തിൽ തന്നെ കേരള ബ്ലാസ്റ്റേഴ്സ് ഇന്ന് ഐ-ലീഗ് വമ്പന്മാരായ ഗോകുലം കേരള എഫ്സിയോട് പരാജയപ്പെട്ടിരുന്നു. മൂന്നിനെതിരെ നാലു ഗോളുകൾക്കായിരുന്നു ബ്ലാസ്റ്റേഴ്സിന്റെ തോൽവി.

ബ്ലാസ്റ്റേഴ്‌സിനെ ഏറ്റവും കൂടുതൽ നാണകേടുതിയ കാര്യമാണ് ഐ-ലീഗ് ക്ലബ്ബുകളോട് ജയിക്കാൻ കഴിയാത്തത്. ക്ലബ്‌ രൂപീകരിച്ചിട്ട് ഇത്രയും നാളായി ബ്ലാസ്റ്റേഴ്‌സ് ഇതുവരെ തോൽപ്പിച്ചുട്ടുള്ളത് ഒരേയൊരു ഐ-ലീഗ് ക്ലബ്ബിനെയാണ്.

കഴിഞ്ഞ സൂപ്പർ കപ്പ്‌ സീസണിൽ പഞ്ചാബ് എഫ്സിയെ മാത്രമാണ് ബ്ലാസ്റ്റേഴ്‌സ് തോൽപ്പിച്ചിട്ടുള്ളത്. ആ മത്സരം ബ്ലാസ്റ്റേഴ്‌സ് ഒന്നിനെതിരെ മൂന്ന് ഗോളുകൾക്കായിരുന്നു പഞ്ചാബിനെ വീഴ്ത്തിയത്. ഇതുവരെ ബ്ലാസ്റ്റേഴ്‌സ് എഴോളം ഐ-ലീഗ് ക്ലബ്ബുകളോടാണ് കളിച്ചിട്ടുള്ളത്.

കേരള ബ്ലാസ്റ്റേഴ്‌സിന്റെ ഐ-ലീഗ് ക്ലബ്ബുകൾകൊപ്പമുള്ള മത്സരങ്ങളിലെ മോശ പ്രകടനം എന്തു കൊണ്ടായിരിക്കും. ഇതിന് കാരണമായി പറയേണ്ടത് ഡുറാൻഡ് കപ്പ്, സൂപ്പർ കപ്പ് തുടങ്ങിയ ടൂർണമെന്റുകൾക്ക് ക്ലബ്ബിന്റെ സമീപനം വേണ്ടത്ര ഗൗരവതരമായിരുന്നില്ല എന്നത് കൊണ്ട് തന്നെയായിരിക്കണം.

https://twitter.com/Always__Yellow/status/1688888940076388352?t=5AafTjMZqyd1w-3tpnyubQ&s=19

ഇത് കൊണ്ട് തന്നെയായിരിക്കണം ബ്ലാസ്റ്റേഴ്‌സ് ഇതുവരെ ഒരു കിരീടം പോലും ചൂടാൻ കഴിയാത്തത്. എന്തിരുന്നാലും ബ്ലാസ്റ്റേഴ്‌സ് ഇനി ഡുറാൻഡ് കപ്പ്, സൂപ്പർ കപ്പ് തുടങ്ങിയ ടൂർണമെന്റുകളിൽ ഒന്നുകൂടി കൂടി ശ്രദ്ധ നൽകി മികച്ച പ്രകടനം കാഴ്ചവെച്ച മാത്രമേ ക്ലബിന് ഇനി രക്ഷയുള്ളൂ.