ടീം ഇന്ത്യയുടെ അടുത്ത പരിശീലകനായി ബിസിസിഐ പരിഗണിക്കുന്നത് രണ്ട് സൂപ്പർ പരിശീലകരെ

രാഹുൽ ദ്രാവിഡിന്റെ കാലാവധി ജൂണോട് കൂടി അവസാനിക്കുന്ന സാഹചര്യത്തിൽ ഇന്ത്യ പുതിയ പരിശീലകനെ നിയമിക്കാനൊരുങ്ങുന്നു എന്ന വാർത്ത ബിസിസിഐ ജനറൽ സെക്രട്ടറി ജയ് ഷാ അറിയിച്ചിരുന്നു.

ഇതിന് പിന്നാലെ ഇന്ത്യയുടെ അടുത്ത പരിശീലകനായി ആര് വരണമെന്ന് ചർച്ചയും സമൂഹ മാധ്യമങ്ങളിൽ ചൂട് പിടിക്കുകയാണ്. എന്നാൽ ബിസിസിഐ അടുത്ത പരിശീലകനായി ചില താരങ്ങളെ നോട്ടമിട്ടതായും റിപ്പോർട്ടുകളുണ്ട്.

നിലവിൽ കെകെആറിന്റെ വജ്രായുധമായ മുൻ ഓപണർ ഗൗതം ഗംഭീർ. ഐപിഎൽ ടീം ഗുജറാത്ത് ടൈറ്റൻസിന്റെ പരിശീലകൻ ആശിഷ് നെഹ്റ എന്നിവരെയാണ് ബിസിസിഐ പരിഗണിക്കുന്നതെന്നാണ് റിപോർട്ടുകൾ.

രണ്ട് പേരും ഇന്ത്യൻ ആരാധകർക്ക് ഏറെ പ്രിയപ്പെട്ടവരാണ്. നിലവിൽ ഐപിഎല്ലിൽ കൊൽക്കത്ത നൈറ്റ് റൈഡേഴ്സിന്റെ മുന്നേറ്റത്തിന് പിന്നിലെ ബ്രെയിൻ ഗൗതം ഗംഭീർ തന്നെയാണ്. അതിനാൽ ഗംഭീറിന്റെ കീഴിൽ ടീം ഇന്ത്യയ്ക്ക് മുന്നേറാൻ കഴിയുമെന്നാണ് ആരാധകരുടെ വിശ്വാസം.

ഈ സീസണിൽ ഗുജറാത്ത് പിറകോട്ട് പോയെങ്കിലും കഴിഞ്ഞ രണ്ട് സീസണുകളിലും ഗുജറാത്തിന്റെ മുന്നേറ്റത്തിന് കരുത്ത് പകർന്നത് ആശിഷ് നെഹ്റയാണ്. ആദ്യ സീസണിൽ ഗുജറാത്തിനെ ജേതാക്കളാക്കിയതിലും രണ്ടാം സീസണിൽ റണ്ണേഴ്‌സ് അപ്പാക്കിയതും നെഹ്‌റാജിയുടെ കഴിവാണ്.