Abhilal
ഇന്ത്യൻ ക്രിക്കറ്റ് ബോർഡ് വിരാട് കോഹ്‌ലിയെ നായക സ്ഥാനത്ത് നിന്നും മാറ്റി ആസ്ഥാനത്ത് മറ്റുള്ളവരെ പ്രതിഷ്ഠിക്കും എന്ന തരത്തിൽ വാർത്തകൾ പരന്നിരുന്നു. കോഹ്ലിയുടെ ചോരയ്ക്കു വേണ്ടി മുറവിളി കൂടിയവർക്ക് നിരാശ നൽകുന്ന പ്രതികരണമാണ് ഇപ്പോൾ ബിസിസിഐയുടെ ഭാഗത്തുനിന്നും ഉണ്ടായിരിക്കുന്നത്. എല്ലാ ഫോർമാറ്റുകളിലും ഇന്ത്യയുടെ നായകനായി കോഹ്ലി തുടരും.
- ടെസ്റ്റ് പരമ്പര പാതിവഴിയിൽ ഉപേക്ഷിച്ച ഇന്ത്യൻ ക്രിക്കറ്റ് ടീമിന് കനത്ത തിരിച്ചടി വരുന്നു
- ട്വൻറി ട്വൻറി ലോകകപ്പ് ടീമിലേക്ക് ഇന്ത്യൻ സ്പിന്നർ അശ്വിൻ എത്തും
- ധോണിയുടെ പടുകൂറ്റൻ സിക്സർ ഗ്രൗണ്ടിന് പുറത്ത് ചെന്നൈ സൂപ്പർ കിംഗ്സ് പരിശീലനക്യാമ്പിൽ ധോണി മാസ്സ്
- സച്ചിനെപ്പോലെയാകാൻ കോഹ്ലി നൂറല്ല 150 ജന്മം വീണ്ടും ജനിക്കണം, ഈ ഒരൊറ്റ കാര്യം മതി അതിന് തെളിവ്
സ്പ്ലിറ്റ് ക്യാപ്റ്റൻസി സംബന്ധിച്ച റിപ്പോർട്ടുകൾ തള്ളക്കളഞ്ഞു ബിസിസിഐ കോഹ്ലി തുടരുന്നു എന്ന് വ്യക്തമാക്കി. ഇന്ത്യയുടെ നായകസ്ഥാനത്ത് മാറ്റങ്ങളുണ്ടാവില്ലെന്നും പരിമിത ഓവര്‍ നായകനായി വിരാട് കോലി തുടരുമെന്നും ബിസിസിഐ ട്രഷറര്‍ അരുണ്‍ ധുമാല്‍ പറഞ്ഞു.
ചില റിപ്പോര്‍ട്ടുകള്‍ പ്രകാരം സമീപകാലത്തെ മോശം ബാറ്റിങ് പ്രകടനത്തിന് കാരണം ക്യാപ്റ്റന്‍സിയാണെന്ന് കോലി പറഞ്ഞുവെന്ന തരത്തിലാണ് വാർത്ത വന്നത്. അതിനാല്‍ത്തന്നെ ടി20 ലോകകപ്പിന് ശേഷം പരിമിത ഓവര്‍ നായകസ്ഥാനം ഒഴിഞ്ഞ് ബാറ്റിങ്ങില്‍ കൂടുതല്‍ ശ്രദ്ധിക്കാനുള്ള തയ്യാറെടുപ്പിലാണ് കോലിയെന്നും റിപ്പോർട്ടിൽ പറയുന്നുണ്ടായിരുന്നു.
നിർണായക മത്സരങ്ങളിൽ ഇന്ത്യ അടി പതറന്ന കാരണം വിരാട് കോഹ്ലിയുടെ മോശം ക്യാപ്റ്റൻസി ആണെന്നും അതിനാൽ താരം നായക പദവി ഉപേക്ഷിക്കുമെന്നും വൻ പ്രചാരണമായിരുന്നു. എന്നാല്‍ ഇത്തരൊരു മാറ്റത്തിന് സാധ്യതയില്ലെന്ന് ബിസിസി ഐ ട്രഷറര്‍തന്നെ വ്യക്തമാക്കിയതോടെ എല്ലാ അഭ്യൂങ്ങള്‍ക്കും വിരാമമായിരിക്കുകയാണ്.
“എന്തൊരു അസംബന്ധമാണിത്. അത്തരിലൊരു കാര്യവും സംഭവിക്കില്ല. ഇതെല്ലാം മാധ്യമങ്ങള്‍ പറയുന്ന കാര്യം മാത്രമാണ്. ഇത് സംബന്ധിച്ച് ബിസിസിഐ സമ്മേളനം കൂടുകയോ ഒരു കാര്യം പോലും ചര്‍ച്ച ചെയ്യുകയോ ചെയ്തിട്ടില്ല.വിരാട് മൂന്ന് ഫോര്‍മാറ്റിലും നായകനായി തുടരും”-ധമാല്‍ ഐഎഎന്‍എസിനോട് പറഞ്ഞു.
