Faf
കേരളാ ബ്ലാസ്റ്റേഴ്സിന്റെ അടുത്ത പരിശീലകൻ ആരാകുമെന്നാണ് ആരാധകരുടെ പുതിയ ചർച്ച. ഇവാൻ വുകമനോവിച്ചിന് പകരം കൊമ്പനെ നയിക്കാനെത്തുന്ന പുതിയ പരിശീലകനായി കാത്തിരിക്കുകയാണ് ആരാധകർ. നിലവിൽ എഫ്സി ഗോവയുടെ പരിശീലകനായ മനോലോ മാർക്കസ് ബ്ലാസ്റ്റേഴ്സിൽ എത്തുമെന്നായിരുന്നു അഭ്യൂഹങ്ങൾ.
എന്നാൽ മനോലോ ബ്ലാസ്റ്റേഴ്സിലേക്ക് വരില്ലെന്ന് ഉറപ്പിച്ച് പറഞ്ഞിരിക്കുകയാണ് പ്രമുഖ കായിക മാധ്യമ പ്രവർത്തകൻ മാർക്കസ് മർഗുല്ലോ. ഒരു ആരാധകന്റെ ചോദ്യത്തിനാണ് മാർക്ക്സ് ഉത്തരം വ്യക്തമാക്കിയത്.
കേരളാ ബ്ലാസ്‌റ്റേഴ്‌സിനെ കുറിച്ചുള്ള പുതിയ അപ്ഡേറ്റ് എന്താണെന്നും ആരാണ് ബ്ലാസ്റ്റേഴ്സിന്റെ പുതിയ പരിശീലകനെന്നുമായിരുന്നു ആരാധകന്റെ ചോദ്യം. ഇതിനാൽ മാർക്കസ് അതൊരിക്കലും മനോലോയല്ലെന്ന് ഉറപ്പിച്ച് പറഞ്ഞത്.
ഇതോടെ ബ്ലാസ്റ്റേഴ്സിന്റെ അടുത്ത പരിശീലകൻ ആരാണെന്നുള്ള ആരാധകരുടെ കാത്തിരിപ്പ് നീളുകയാണ്. അതെ സമയം ബ്ലാസ്റ്റേഴ്സിലേക്ക് വരാൻ സാധ്യതയുള്ള അഞ്ച് പരിശീലകരുടെ പേരുകൾ കഴിഞ്ഞ ദിവസം പ്രമുഖ മാധ്യമമായ ഖേൽ നൗ റിപ്പോർട്ട് ചെയ്‌തിരിക്കുന്നു.
ഖേൽ നൗ റിപ്പോർട്ട് ചെയ്ത ബ്ലാസ്റ്റേഴ്സിന്റെ അടുത്ത സാധ്യത പട്ടികയിലുള്ള അഞ്ച് പരിശീലകരുടെ പേരുകളും വിവരങ്ങളും കഴിഞ്ഞ ആർട്ടിക്കിളിൽ പ്രതിപാദിച്ചിരുന്നു. പ്രസ്തുത ആർട്ടിക്കിൾ വായിക്കാൻ ശേഷം കാണുന്ന ലിങ്കിൽ ക്ലിക്ക് ചെയ്യുക.
