ടലിസ്ക്കയെയും ലപോർട്ടയെയും വിൽക്കുന്നു; പകരം രണ്ട് കിടിലൻ താരങ്ങളെ കൊണ്ട് വരാൻ അൽ നസ്ർ

സൗദി പ്രൊ ലീഗിൽ റൊണാൾഡോ എത്തിയെങ്കിലും അൽ നസ്റിന് ഇത് വരെ പ്രൊ ലീഗ് കിരീടം നേടാനായിട്ടില്ല. കഴിഞ്ഞ സീസണിലും ഈ സീസണിലും അൽ ഹിലാലാണ് സൗദിയിൽ കിരീടം ഉയർത്തിയത്. എന്നാൽ അടുത്ത തവണ എന്ത് വിലകൊടുത്തും പ്രൊ ലീഗ് കിരീടം ഉയർത്താനുള്ള നീക്കത്തിലാണ് അൽ നസ്ർ. അതിനായി ട്രാൻസ്ഫർ മാർക്കറ്റിൽ ചില നീക്കങ്ങളും അവർ ലക്ഷ്യമിടുന്നുണ്ട്.

രണ്ട് പ്രധാന താരങ്ങളെ വിറ്റഴിച്ച് പകരം രണ്ട് കിടിലൻ താരങ്ങളെ ടീമിലെത്തിക്കാനാണ് അൽ നസ്ർ ശ്രമിക്കുന്നത്. അവരുടെ ബ്രസീലിയൻ താരം ടലിസ്ക്കയെയും പ്രതിരോധ താരം ലപോർട്ടയെയുമാണ് അവർ വിൽക്കാൻ ശ്രമിക്കുന്നത്.

ടലിസ്ക്കയ്ക്ക് 2026 വരെ അൽ നസ്റിൽ കരാറുണ്ടെങ്കിലും താരത്തെ വിൽക്കാൻ തന്നെയാണ് ക്ലബ്ബിന്റെ തീരുമാനം. ഐമറിക്ക് ലപോർട്ടയാവട്ടെ കഴിഞ്ഞ സീസണിലാണ് മാഞ്ചസ്റ്റർ സിറ്റിയിൽ നിന്നും അൽ നസ്റിൽ എത്തിയത്. എന്നാൽ താരം വീണ്ടും യൂറോപ്പിലേക്ക് മടങ്ങാൻ ആഗ്രഹിക്കുകയാണ്.

ഇതോടെയാണ് രണ്ട് താരങ്ങളെ അൽ നസ്ർ സ്വന്തമാക്കാൻ നീക്കം നടത്തുന്നത്. മാഞ്ചസ്റ്റർ യുണൈറ്റഡിന്റെ ബ്രസീലിയൻ മധ്യനിരതാരം കസ്മിറോയെയാണ് അവർ ലക്ഷ്യം വെയ്ക്കുന്നത്.

Telegram Channel ഫോളോ ചെയ്യൂ

യുണൈറ്റഡിന്റെ തന്നെ പ്രതിരോധ താരവും നേരത്തെ റോണോയുടെ സഹതാരം കൂടിയായിരുന്നു റാഫേൽ വരാനെയെയും അവർ ലക്ഷ്യമിടുന്നുണ്ട്. അടുത്ത സീസണിൽ കിരീടം പ്രതീക്ഷിക്കുന്ന അൽ നസ്ർ എന്ത് വില കൊടുത്തും ഇവരെ വാങ്ങിക്കാൻ തയാറാണ്.