ഫുട്ബോൾ ലോകം ആകാംഷയോടെ കാത്തിരുന്ന ഒരു വലിയ വാർത്തയാണ് ഇപ്പോൾ പുറത്തുവരുന്നത്. ലോക ഫുട്ബോളിലെ ഇതിഹാസ താരം ലിയോണൽ മെസ്സിയെ ടീമിലെത്തിക്കാൻ വമ്പൻ ക്ലബ്ബുകൾ ശ്രമം ആരംഭിച്ചു എന്ന റിപ്പോർട്ടുകൾ ആരാധകരെ ആവേശത്തിലാഴ്ത്തിയിരിക്കുകയാണ്.
പ്രമുഖ ഫ്രഞ്ച് കായിക മാധ്യമമായ L’Equipe പുറത്തുവിട്ട വിവരമനുസരിച്ച്, സൗദി അറേബ്യൻ ക്ലബ്ബായ അൽ-അഹ്ലിയാണ് ഈ ‘മിഷൻ മെസ്സി’ക്ക് പിന്നിൽ. 2025 ഡിസംബറിൽ മെസ്സിയെ സ്വന്തമാക്കാനാണ് അവരുടെ ലക്ഷ്യം. നേരത്തെയും മെസ്സിയെ സൗദി ലീഗിലേക്ക് എത്തിക്കാൻണ് അവർ ശ്രമങ്ങൾ നടത്തിയിരുന്നു.
മെസ്സിയുടെ നിലവിലെ ഇന്റർ മിയാമി കരാർ 2025 ഡിസംബറിൽ അവസാനിക്കാനിരിക്കുകയാണ്. ഈ സാഹചര്യം മുതലെടുത്ത് ലോക ഫുട്ബോളിലെ ഏറ്റവും വലിയ താരങ്ങളിലൊരാളെ സൗദി പ്രോ ലീഗിലേക്ക് കൊണ്ടുവരാനാണ് അൽ-അഹ്ലിയുടെ ഈ തന്ത്രപരമായ നീക്കം.
ക്രിസ്റ്റ്യാനോ റൊണാൾഡോ സൗദി ലീഗിൽ കളിക്കുന്നതിനാൽ, മെസ്സിയും അവിടേക്ക് എത്തുകയാണെങ്കിൽ അത് ഫുട്ബോൾ ലോകത്തിലെ ഏറ്റവും വലിയ റീ-യൂണിയനുകളിൽ ഒന്നായി മാറും. വർഷങ്ങൾക്കുശേഷം ഈ ഇതിഹാസങ്ങൾ ഒരേ ലീഗിൽ വീണ്ടും ഏറ്റുമുട്ടുന്നത് ലോകമെമ്പാടുമുള്ള ആരാധകർക്ക് ഒരു വിസ്മയ കാഴ്ചയായിരിക്കും. ESPN, BBC Sport പോലുള്ള മറ്റ് പ്രമുഖ കായിക മാധ്യമങ്ങളിലും ഈ വാർത്ത സജീവ ചർച്ചയാണ്.
ലോകകപ്പ് നേടിയതിന് ശേഷം മെസ്സിയുടെ ഓരോ നീക്കവും ലോകശ്രദ്ധ നേടുന്ന സാഹചര്യത്തിൽ, ഈ ‘മിഷൻ മെസ്സി’ യാഥാർത്ഥ്യമാകുമോ എന്ന് വരും മാസങ്ങളിൽ വ്യക്തമാകും. മെസ്സി തന്റെ കരിയറിൽ അടുത്തതായി ഏത് ക്ലബ്ബ് തിരഞ്ഞെടുക്കും എന്നത് ഫുട്ബോൾ ലോകം ആകാംഷയോടെ കാത്തിരിക്കുകയാണ്.