Sanu
ഇന്ത്യൻ സൂപ്പർ ലീഗിന്റെ 11മത്തെ സീസണിന് വേണ്ടി ഒരുങ്ങുന്ന കേരള ബ്ലാസ്റ്റേഴ്സ് എഫ്സി നിരവധി മികച്ച നീക്കങ്ങൾ നടത്തി പുതിയ സീസണിനെ വരവേൽക്കുമെന്ന പ്രതീക്ഷയിലാണ് കേരള ബ്ലാസ്റ്റേഴ്സ് എഫ്സി ആരാധകർ.
എന്നാൽ കഴിഞ്ഞ സീസണിൽ കളിച്ച നിരവധി താരങ്ങൾ പരിശീലകന് പിന്നാലെ ടീമിനോട് വിട പറഞ്ഞതിനാൽ അടുത്ത സീസണിൽ പുതിയ താരങ്ങളുമായാണ് ബ്ലാസ്റ്റേഴ്സ് കളിക്കാനെത്തുന്നത്.
നിരവധി വിദേശ താരങ്ങൾ ടീം വിട്ടതോടെ പകരം മികച്ച താരങ്ങളെ കേരള ബ്ലാസ്റ്റേഴ്സ് എഫ്സി ടീമിലേക്ക് കൊണ്ടുവരുമെന്നാണ് ആരാധകർ പ്രതീക്ഷിക്കുന്നത്.
കേരള ബ്ലാസ്റ്റേഴ്സ് എഫ്സിയുടെ സൈനിങ് സംബന്ധിച്ചുള്ള നിലവിലെ അപ്ഡേറ്റ് നോക്കുകയാണെങ്കിൽ ഐ ലീഗിൽ നിന്നുമുള്ള ഒരു കിടിലൻ താരത്തിന്റെ സൈനിങ് കേരള ബ്ലാസ്റ്റേഴ്സ് പൂർത്തിയാക്കി. ഐസ്വാൾ എഫ്സിയുടെ 22 വയസ്സുകാരനായ മുന്നേറ്റ നിര താരം ലാൽതൻമാവിയയുടെ സൈനിങാണ് ബ്ലാസ്റ്റേഴ്സ് സ്വന്തമാക്കിയത്.
വിദേശതാരം ഉൾപ്പടെ രണ്ട് കിടിലൻ സൈനിങ്ങുകൾ ബ്ലാസ്റ്റേഴ്സ് പൂർത്തിയാക്കിയിട്ടുണ്ട്😍🔥
2027 വരെ നീളുന്ന മൂന്നുവർഷത്തേ കരാറിൽ ലാൽതൻമാവിയയെ സ്വന്തമാക്കിയ കേരള ബ്ലാസ്റ്റേഴ്സ് യുവതാരത്തിന്റെ കഴിവ് ഫലപ്രദമായി ഉപയോഗിക്കാം എന്ന പ്രതീക്ഷയാണ് പങ്കുവെക്കുന്നത്. കൂടാതെ രണ്ട് വർഷം കൂടി കരാർ നീട്ടാനുള്ള വ്യവസ്ഥയും ഉടമ്പടിയിലുണ്ട്. എന്തായാലും അടുത്ത സീസണിന് മുന്നോടിയായി ബ്ലാസ്റ്റേഴ്സിന്റെ ഒരു ഇന്ത്യൻ സൈനിങ് ആണ് നിലവിൽ പൂർത്തിയായത്.
Also read – കരാർ പുതുക്കുന്നില്ലേൽ സൂപ്പർ താരത്തിനെ വിൽക്കാൻ ബ്ലാസ്റ്റേഴ്സ്, എതിരാളികൾ രംഗത്തുണ്ട്🔥
