കോടികൾ വാരി വീശിയെറിഞ്ഞു സൂപ്പർതാരങ്ങളെ ടീമിൽ എത്തിച്ചിട്ടു പോലും ഇതുവരെയും ചാംപ്യൻസ് ലീഗ് കിരീടം കിട്ടാക്കനിയാണ് ഫ്രഞ്ച് വമ്പന്മാർക്ക്. ഹോം ഗ്രൗണ്ടിൽ നേടിയ കൂറ്റൻ വിജയത്തിൻറെ ലീഡുമായി ഒരിക്കൽ ബാഴ്സലോണയിലേക്ക് പോയപ്പോൾ അവിടെ തങ്ങളെ തകർത്ത നെയ്മർ ജൂനിയർ എന്ന താരത്തിനെ പി എസ് ജി ടീമിലേക്ക് എത്തിച്ചത് ചാമ്പ്യൻസ് ലീഗ് കിരീടം എന്ന സ്വപ്നം മാത്രം മുന്നിൽ കണ്ടു കൊണ്ടാണ്.
- PSG യുമായി കരാർ ഒപ്പുവച്ചു പക്ഷേ അർജൻറീനയുടെ ആത്മാഭിമാനം പണയം വയ്ക്കില്ല; ലയണൽ മെസ്സി
- എംബപ്പേക്ക് പകരമായി രണ്ട് ബ്രസീലിയൻ താരങ്ങളെ PSG ടീമിലെത്തിക്കുന്നു…
- പാരീസിലെ ആദ്യ വാർത്താ സമ്മേളനത്തിൽ തന്നെ എന്തുകൊണ്ട് PSG തിരഞ്ഞെടുത്തു എന്ന് മെസ്സി സ്പഷ്ടമായി പറഞ്ഞു
- ആരെയും അമ്പരപ്പിക്കും ഈ ചാമ്പ്യൻസ് ലീഗ് ഇലവൻ, സൂപ്പർ താരങ്ങളുടെ കൂട്ടിയിടി
- റയൽ മാഡ്രിഡ്,ബാർസിലോണ, യുവന്റസ് ക്ലബ്ബുകൾക്കെതിരെ അച്ചടക്ക നടപടിയുമായി UEFA
എന്നാൽ ഫ്രഞ്ച് ക്ലബ്ബിൽ എത്തിയശേഷം അവർക്കായി അവരുടെ സ്വപ്ന നേട്ടം കൈക്കുമ്പിളിൽ എത്തിച്ചു കൊടുക്കുവാൻ ബ്രസീലിയൻ മാന്ത്രികന് കഴിഞ്ഞില്ല. എന്നാൽ തങ്ങളുടെ ലക്ഷ്യത്തിൽ നിന്നും അണുവിട പോലും പിന്നോട്ട് പോകുവാൻ ഫ്രഞ്ച് ക്ലബ്ബ് അധികൃതർക്ക് താല്പര്യമില്ല. ചാമ്പ്യൻസ് ലീഗ് കിരീടം നേടിയ ശേഷം മാത്രമേ അടങ്ങൂ എന്ന വാശിയിലാണ് അവർ.
അതിനായി ചാമ്പ്യൻസ് ലീഗ് കിരീടങ്ങൾ കൊണ്ട് അമ്മാനമാടുന്ന സെർജിയോ റാമോസ് എന്ന് റയൽമാഡ്രിഡ് നായകനെയും. എക്കാലത്തും ആ നായകന് വെല്ലുവിളി ഉയർത്തിയ ഫുട്ബോൾ മിശിഹാ എന്ന ലയണൽ മെസ്സിയെയ്യും ബാഴ്സലോണയിൽ നിന്നും അവർ തങ്ങളുടെ കൂടാരത്തിൽ എത്തിച്ചു. ഇരുവരെയും ടീമിൽ എത്തിച്ചുവെങ്കിലും അവരെ എല്ലാം കൂടി ഫ്രഞ്ച് ലീഗിലെ പൊട്ടക്കുളത്തിൽ ഇറക്കുവാൻ പിഎസ്ജിക്ക് താല്പര്യമില്ല.
കൊമ്പൻ സ്രാവുകൾ നീന്തിത്തുടിക്കുന്ന ചാമ്പ്യൻസ് ലീഗിലെ പോരാട്ട ഭൂമിയായ മഹാസമുദ്രത്തിലേക്ക് ആണ് ഈ താരങ്ങളെ പിഎസ്ജി അഴിച്ചുവിടാൻ പോകുന്നത്. ലോക ഫുട്ബോൾ ആരാധകരുടെ സ്വപ്നങ്ങളിലെക്കാളും മൂർച്ചയേറിയ ആക്രമണം നിരയാണ് ഇപ്പോൾ ഫ്രഞ്ച് ക്ലബ്ബിന് ഉള്ളത്. എംബപ്പയും നെയ്മറും മെസ്സിയും പിന്നെ ഡി മരിയയും കൂടി എത്തുമ്പോൾ ഏതു കൂറ്റൻ പ്രതിരോധ നിലയും ഇളകിയാടും എന്നത് ഉറപ്പാണ്.
ഫ്രഞ്ച് ലീഗിലെ മത്സരങ്ങൾ അവർക്ക് വെറും നേരമ്പോക്ക് മാത്രമാണ് ചാമ്പ്യൻസ് ലീഗിലാണ് പി എസ് സി യുടെ യഥാർത്ഥ പോരാട്ടം അതിനുവേണ്ടിയാണ് അവർ തങ്ങളുടെ ടീമിനെ മെരുക്കുന്നത്, എതിരാളികൾ കരുതിയിരിക്കുക. ഇക്കുറി ചാമ്പ്യൻസ് ലീഗിൽ ഫ്രഞ്ച് വമ്പന്മാർ ഒരുക്കിവച്ചിരിക്കുന്നത് ഒരു നിഗൂഢതയുടെ കലവറ തന്നെയാണ്.
