ലോക ഫുട്ബോളിലെ അഭിമാനസ്തംഭം എന്ന് വിശേഷിപ്പിക്കപ്പെടുന്ന പുരസ്കാരങ്ങളിൽ ഒന്നാണ് ബാലൻ ഡി ഓർ പുരസ്കാരം. ആറുതവണ ഈ സ്വപ്ന പുരസ്കാരം സ്വന്തം കൈക്കുമ്പിളിൽ ആക്കി ലയണൽ മെസ്സി ഇക്കാര്യത്തിൽ മറ്റുള്ളവരേക്കാൾ വളരെ മുന്നിലാണ്. രണ്ടാം സ്ഥാനത്ത് നിൽക്കുന്നത് പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോ ആണ്.
- മെസ്സിയുടെ റെക്കോർഡ് ജേഴ്സി വിൽപനയെ പറ്റി പ്രചരിക്കുന്നത് വ്യാജ കണക്കുകൾ
- ബാലൻ ഡി ഓർ പുരസ്കാരത്തിന് മെസ്സിയേക്കാൾ യോഗ്യൻ ജോർജീഞ്ഞോ
- ലയണൽ മെസ്സിയുടെ ട്രാൻസ്ഫർ വൻമാറ്റങ്ങൾ ഇന്ത്യയിലെ വന്നു
- ബാലൻ ഡി ഓർ പുരസ്കാരത്തിന് തന്റെ വോട്ട് ആർക്കൊക്കെയാണെന്ന നിർണ്ണായക വെളിപ്പെടുത്തലുമായി ലയണൽ മെസ്സി…
- വീണ്ടും മെസ്സിക്ക് റെക്കോർഡ്, മിശിഹാ വീണ്ടും ഉയരങ്ങളിലേക്ക് കുതിക്കുന്നു…
ഇത്തവണ അർജൻറീന താരം ലയണൽ മെസ്സിക്ക് ഏഴാം ബാലൻഡിയോർ പുരസ്കാരം ലഭിക്കും എന്നാണ് പലരും വിശ്വസിക്കുന്നത്. ലോകമെമ്പാടും അംഗീകാരം ഉണ്ടെങ്കിലും ഈ പുരസ്കാരത്തിന് ലഭിക്കുന്ന ആക്ഷേപങ്ങളുടെ എണ്ണത്തിന് ഒട്ടും കുറവില്ല. ബാലൻ ഡി ഓർ പുരസ്കാരത്തിന് മേൽ പലപ്പോഴും സ്പാനിഷ് ലോബിയുടെ കരങ്ങൾ ഉണ്ടെന്ന് ആക്ഷേപിക്കപ്പെടുന്നുണ്ട്.
കഴിഞ്ഞ കുറെ കാലങ്ങളായി ഈ സ്വപ്ന പുരസ്കാരം സ്പാനിഷ് ക്ലബ്ബുകൾ വിട്ട് പുറത്തേക്ക് പോകുന്നില്ല എന്നത് പതിവായിരുന്നു. മുൻപ് റയൽമാഡ്രിഡ് താരമായിരുന്ന ക്രിസ്ത്യാനോ റൊണാൾഡോയ്ക്ക് കിട്ടുമെന്ന് ഏറെക്കുറെ ഉറപ്പിച്ച ഒരു ബാലൻ ഡി ഓർ പുരസ്കാരം അദ്ദേഹം യുവൻറ്സിലേക്ക് പോയപ്പോൾ നഷ്ടമായിരുന്നു.
ആ തവണ പുരസ്കാരം നേടിയത് അപ്പോൾ റയലിന്റെ താരമായിരുന്ന ക്രൊയേഷ്യൻ താരം ലൂക്കാ മോഡ്രിച്ച് ആയിരുന്നു. ഇതെല്ലാം സ്പാനിഷ് ലോബിയുടെ കളികൾ ആണെന്നാണ് പരക്കെ വ്യാഖ്യാനിക്കപ്പെടുന്നത്. ഇത്തവണ സ്പാനിഷ് ലീഗിൽ നിന്നും അധികം പേരുകളൊന്നും ഉയർന്നു കേൾക്കുന്നില്ല. ഈ അവസരത്തിലാണ് റയൽമാഡ്രിഡ് ഫ്രഞ്ച് താരം കരിം ബെൻസിമയെ ഉയർത്തി കാണിക്കുന്നത്. ദേശീയ ടീമിൽ സ്ഥിരം സാന്നിധ്യം അല്ലെങ്കിലും വർഷങ്ങളായി റയലിന്റെ വിശ്വസ്തനാണ് ഈ ഫ്രഞ്ച് താരം.
യുഡിഎഫ് നേഷൻസ് ലീഗ് കിരീട നേട്ടത്തിന് പിന്നാലെ, താരത്തിനെ അഭിനന്ദിക്കുകയും ബാലൻ ഡി ഓർ പുരസ്കാരം വോട്ടെടുപ്പിൽ താരത്തിനു വേണ്ടി പരസ്യമായി പിന്തുണ ആവശ്യപ്പെടുകയും ക്ലബ് ചെയ്തിരുന്നു. വോട്ടിങ് അടിസ്ഥാനമാക്കി കാര്യങ്ങൾ നിശ്ചിയിക്കപ്പെടുമ്പോൾ റയലിന്റെ ഈ നീക്കത്തിനെ സംശയദൃഷ്ടിയോടെയാണ് പലരും കാണുന്നത്.
