ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്‌സ് പതിയെ ഇപ്പോൾ വിജയവഴിയിലേക്ക് തിരിച്ചു വന്നു കൊണ്ടിരിക്കുകയാണ്. കഴിഞ്ഞ നാല് മത്സരങ്ങളിൽ മൂന്ന് മത്സരത്തിലും വിജയിക്കാൻ ബ്ലാസ്റ്റേഴ്‌സിന് കഴിഞ്ഞിട്ടുണ്ട്.

ഇനി കേരള ബ്ലാസ്റ്റേഴ്‌സിന്റെ അടുത്ത മത്സരം നോർത്ത് ഈസ്റ്റ്‌ യുണൈറ്റഡിനെതിരെ ജനുവരി 18നാണ്. ബ്ലാസ്റ്റേഴ്‌സിന്റെ ഹോം ഗ്രൗണ്ടായ കൊച്ചിയിലെ ജവഹർലാൽ നെഹ്‌റു സ്റ്റേഡിയത്തിൽ വെച്ചാണ് ഈ മത്സരം നടക്കുക.

ഇപ്പോളിത നോർത്ത് ഈസ്റ്റിനെതിരെയുള്ള മത്സരത്തിന് മുന്നോടിയായുള്ള കേരള ബ്ലാസ്റ്റേഴ്‌സിന്റെ പ്രെസ്സ് കോൺഫറൻസ് ഷെഡ്യുൾ ചെയ്തിരിക്കുകയാണ്. ഈയൊരു പ്രെസ്സ് കോൺഫറൻസിൽ ബ്ലാസ്റ്റേഴ്‌സിനെ പ്രതിനിധികരിച്ച് മലയാളി പരിശീലകൻ ടി.ജി പുരുഷോത്തമനും മധ്യനിര താരം ഡാനിഷ് ഫാറൂഖുമാണ് പങ്കെടുക്കുക.

ജനുവരി 16ന് കൊച്ചിയിൽ വെച്ച് രാവിലെ 11:30ക്കായിരിക്കും ബ്ലാസ്റ്റേഴ്‌സിന്റെ പ്രെസ്സ് കോൺഫറൻസ് നടക്കുക. ഈ പ്രെസ്സ് കോൺഫറൻസിൽ ഇരുവരും ബ്ലാസ്റ്റേഴ്‌സുമായി ബന്ധപ്പെട്ട് കൂടുതൽ വിവരങ്ങൾ പങ്കുവെക്കുന്നതാണ്.