പ്രവചനങ്ങൾ കായിക ലോകത്തും പുറത്തും സജീവമാണ്. സൗത്ത് ആഫ്രിക്കൻ ലോകകപ്പിൽ പ്രവചനം നടത്തി സ്റ്റാറായ പോൾ നീരാളിയെ ആരും മറന്ന് കാണില്ല. പോൾ നീരാളി മാത്രമല്ല, പല പ്രവചന സിംഹങ്ങളും ഫുട്ബോൾ ലോകത്ത് ചർച്ചയായിട്ടുണ്ട്.
ALSO READ: ബ്ലാസ്റ്റേഴ്സ് നോട്ടമിട്ട പ്രതിരോധ താരം ഗോവയിലേക്ക്…
കാലം ഒന്ന് കൂടി ആധുനിക വത്കരിക്കപ്പെടുമ്പോൾ പ്രവചന സിംഹങ്ങൾക്ക് പകരം ചാറ്റ് ജിപിടിയും ഇപ്പോൾ ഇടം പിടിക്കുകയാണ്. ഇപ്പോഴിതാ ഐഎസ്എല്ലിനെ കുറിച്ചുള്ള ചാറ്റ് ജിപിടിയുടെ പ്രവചനമാണ് ചർച്ചയാവുന്നത്.
ALSO READ: യൂറോപ്യൻ ടാലന്റുമായി ബ്ലാസ്റ്റേഴ്സ് ചർച്ചയിൽ
2027- 28 സീസണിൽ കേരളാ ബ്ലാസ്റ്റേഴ്സ് ഐഎസ് എല്ലിലെ ഷീൽഡ് വിന്നറാകുമെന്നാണ് ചാറ്റ് ജിപിടിയുടെ പ്രവചനം. 90ndstoppage എന്ന ഇന്ത്യൻ ഫുട്ബോളുമായി ബന്ധപ്പെട്ടുള്ള അപ്ഡേറ്റുകൾ പങ്ക് വെയ്ക്കുന്ന എക്സ് പ്ലാറ്റ്ഫോമാണ് ചാറ്റ് ജിപിടിയുടെ ഈ പ്രവചനം പുറത്ത് വിട്ടിരിക്കുന്നത്.
ALSO READ: ചർച്ചയിൽ പുരോഗതിയില്ല; മെൽബൺ സിറ്റി താരം ബ്ലാസ്റ്റേഴ്സിലേക്കില്ല
ഈ പ്രവചനം അനുസരിച്ച് അടുത്ത സീസണിൽ മോഹൻ ബഗാൻ തന്നെ ഷീൽഡ് കിരീടം ഉയർത്തുമെന്നാണ്. 2025-26 സീസണിൽ മുംബൈയും പിന്നീട് ബംഗളുരു എഫ്സിയും അതിന് ശേഷമുള്ള 2027- 28 സീസണിൽ ബ്ലാസ്റ്റേഴ്സും കിരീടം ഉയർത്തുമെന്നാണ് പ്രവചനം.
ALSO READ: ഒരു പ്രതിരോധ താരത്തെ സ്വന്തമാക്കി കേരളാ ബ്ലാസ്റ്റേഴ്സ്
നൂതന സാങ്കേതിക വിദ്യയിലൂടെ ഡയലോഗുകൾ സൃഷ്ടിക്കാൻ ഉപയോഗിക്കുന്ന വളരെ ജനപ്രിയമായ എ.ഐ -അധിഷ്ഠിത പ്രോഗ്രാമാണ് ചാറ്റ് ജിപിടി. പരിശീലനം നൽകപ്പെട്ടതനുസരിച്ച് പ്രവർത്തിക്കുന്ന ജനറേറ്റീവ് പ്രീ-ട്രെയിൻഡ് ട്രാൻസ്ഫോർമർ എന്ന് വിളിക്കപ്പെടുന്ന ഒരു ചാറ്റ്ബോട്ടാണിത്. ഇന്ന് പല മേഖലകളിലും ചാറ്റ് ജിപിടി നിർണായക സാന്നിധ്യമാണ്.