ഔദ്യോഗിക ഐപിഎൽ 2026 ലേലത്തിന് ഇനി മണിക്കൂറുകൾ മാത്രം ബാക്കിനിൽക്കെ ആരാധകരുടെ ആകാംഷ വർധിപ്പിച്ച് ഐ.പി.എൽ. ഔദ്യോഗിക സംപ്രേക്ഷണ-സ്ട്രീമിംഗ് പങ്കാളികളായ ജിയോസ്റ്റാർ (JioStar) സംഘടിപ്പിച്ച മോക്ക് ഓക്ഷൻ (Mock Auction). ഇന്ത്യയിലെ 10 മുൻനിര താരങ്ങൾ 10 ഫ്രാഞ്ചൈസികളെ പ്രതിനിധീകരിച്ചാണ് ഈ പരീക്ഷണ ലേലത്തിൽ പങ്കെടുത്തത്.
- ഗുജറാത്ത്: ചേതേശ്വർ പൂജാര
- ഡൽഹി: മുഹമ്മദ് കൈഫ്
- ബെംഗളൂരു: അനിൽ കുംബ്ലെ
- പഞ്ചാബ്: സഞ്ജയ് ബാംഗർ
- രാജസ്ഥാൻ: ആകാശ് ചോപ്ര
- ചെന്നൈ: സുരേഷ് റെയ്ന
- കൊൽക്കത്ത: റോബിൻ ഉത്തപ്പ
- മുംബൈ: അഭിനവ് മുകുന്ദ്
- ഹൈദരാബാദ്: എസ്. ബദരീനാഥ്
- ലഖ്നൗ: ഇർഫാൻ പഠാൻ
ഈ ലേലത്തിൽ 359 താരങ്ങളെയാണ് പരിഗണിച്ചത്. ഇതിൽ 77 സ്ലോട്ടുകളാണ് നികത്താനുണ്ടായിരുന്നത്.
ഏറ്റവും ഉയർന്ന ലേലത്തുക: ഗ്രീനിനായി KKR-ൻ്റെ വാശിയേറിയ നീക്കം
mock auction ipl 2026 ൽ പ്രതീക്ഷിച്ചതുപോലെ ഓസ്ട്രേലിയൻ ഓൾറൗണ്ടർ കാമറൂൺ ഗ്രീൻ ഏറ്റവും കൂടുതൽ തുക നേടിയ താരമായി.
- കാമറൂൺ ഗ്രീനിനെ സ്വന്തമാക്കാൻ KKR മുടക്കിയത്: ₹30.50 കോടി.
- ലിയാം ലിവിംഗ്സ്റ്റൺ (₹19 കോടിക്ക് ലഖ്നൗവും), മതീശ പതിരണ (₹13 കോടിക്ക് KKR-ഉം), രവി ബിഷ്ണോയി (₹11.50 കോടിക്ക് രാജസ്ഥാൻ റോയൽസും) എന്നിവരും ₹10 കോടിക്ക് മുകളിൽ ലേലം ചെയ്യപ്പെട്ടു.
- ഇവർക്കൊപ്പം, ഡേവിഡ് മില്ലർ ₹9.50 കോടിക്ക് ഡൽഹി ക്യാപിറ്റൽസിലെത്തി, അഞ്ചാമത്തെ ഉയർന്ന ലേലത്തുക നേടി.
ഞെട്ടിച്ച് രാഹുൽ ചാഹർ: ₹10 കോടി ക്ലബ്ബിൽ
mock auction ipl 2026 ലെ ഏറ്റവും വലിയ അപ്രതീക്ഷിത ലേലങ്ങളിലൊന്ന് സ്പിന്നർ രാഹുൽ ചാഹറിൻ്റേതായിരുന്നു. മുൻപ് ഐ.പി.എല്ലിൽ ₹5.25 കോടിയിൽ കൂടുതൽ തുക ചാഹറിന് ലഭിച്ചിട്ടില്ല. എന്നാൽ, ഈ മോക്ക് ലേലത്തിൽ രാഹുൽ ചാഹറിനായി CSK മുടക്കിയത് ₹10 കോടിയാണ്.
മറ്റ് പ്രധാന ലേലങ്ങൾ:
- ജെറാൾഡ് കോറ്റ്സി: ₹8 കോടി (ഹൈദരാബാദ്)
- ആൻറിച്ച് നോർക്കിയ: ₹7.50 കോടി (ചെന്നൈ)
- സർഫറാസ് ഖാൻ: ₹7 കോടി (ചെന്നൈ)
- വെങ്കിടേഷ് അയ്യർ: ₹6 കോടി (ബെംഗളൂരു)
- ലൂങ്കി എൻഗിഡി: ₹6.50 കോടി (ഡൽഹി)
- ചേതൻ സക്കറിയ: ₹6.50 കോടി (ഗുജറാത്ത്)
CSK-യുടെ തന്ത്രം
ഈ മോക്ക് ലേലത്തിൽ ചെന്നൈ സൂപ്പർ കിംഗ്സിനെ പ്രതിനിധീകരിച്ചെത്തിയത് സുരേഷ് റെയ്നയാണ്. ഇന്ത്യൻ സ്പിന്നർമാർക്കും മികച്ച ഡെത്ത് ഓവർ ബൗളർമാർക്കുമാണ് അദ്ദേഹം പ്രാധാന്യം നൽകിയത്.
- രാഹുൽ ചാഹർ, ആൻറിച്ച് നോർക്കിയ, സർഫറാസ് ഖാൻ, ശിവം മാവി, വാനിന്ദു ഹസരംഗ എന്നിവരെയാണ് റെയ്ന CSK-ക്കായി സ്വന്തമാക്കിയത്.
- വാനിന്ദു ഹസരംഗയെ (₹2 കോടി) കുറഞ്ഞ വിലയ്ക്ക് സ്വന്തമാക്കിയതും ₹2.50 കോടിക്ക് ശിവം മാവിയെ ടീമിലെത്തിച്ചതും ശ്രദ്ധേയമായി.
KKR-ൻ്റെ നീക്കങ്ങൾ
കൊൽക്കത്ത നൈറ്റ് റൈഡേഴ്സിനെ പ്രതിനിധീകരിച്ചത്തിയ റോബിൻ ഉത്തപ്പ, കാമറൂൺ ഗ്രീനിനെയും മതീശ പതിരണയെയും സ്വന്തമാക്കിയതിലൂടെ തങ്ങളുടെ പഴ്സിൻ്റെ വലിയൊരു ഭാഗം രണ്ട് വിദേശ താരങ്ങൾക്കായി ചെലവഴിച്ചു. ₹2.50 കോടിക്ക് ജോണി ബെയർസ്റ്റോയെയും ₹75 ലക്ഷത്തിന് രാഹുൽ ത്രിപാഠിയെയും അവർ ടീമിലെത്തിച്ചു.
വിൽക്കാതെ പോയ പ്രധാന താരങ്ങൾ
ഈ mock auction ipl 2026 ൽ ചില പ്രമുഖ അന്താരാഷ്ട്ര താരങ്ങൾ വിൽക്കപ്പെടാതെ പോയിട്ടുണ്ട്. ആശ്ചര്യകരമാണ്:
- ബെൻ ഡക്കറ്റ് (Ben Duckett)
- രചിൻ രവീന്ദ്ര (Rachin Ravindra)
- ഡെവൺ കോൺവേ (Devon Conway)
യഥാർത്ഥ ipl auction 2026 ഡിസംബർ 16 ന് അബുദാബിയിൽ നടക്കുമ്പോൾ, ഈ മോക്ക് ലേലത്തിലെ പല നീക്കങ്ങളും സത്യമായേക്കാം.
ALSO READ: ipl auction 2026; എത്ര മണിക്ക് തുടങ്ങും? എങ്ങനെ തത്സമയം കാണാം? അറിയേണ്ടതെല്ലാം