ഞായറാഴ്ച നടന്ന അവസാന സൂപ്പർ 8 മത്സരത്തിൽ വെസ്റ്റ് ഇൻഡീസിനെ തോൽപ്പിച്ച് ഇന്ത്യ സെമി ഫൈനൽ യോഗ്യത നേടിയിരിക്കുകയാണ്. സഞ്ജു സാംസൺന്റെ വെടികെട്ട് ബാറ്റിംഗ് പ്രകടനത്തിൽ വെസ്റ്റ് ഇൻഡീസിനെ അഞ്ച് വിക്കറ്റിന് വീഴ്ത്തിയാണ് ഇന്ത്യൻ സെമി ഉറപ്പിച്ചത്.
എന്നാൽ വെസ്റ്റ് ഇൻഡീസിനെതിരെയുള്ള റൺ പിന്തുടരലിൽ ടീമിന്റെ സമ്മർദ്ദം ലഘൂകരിച്ചത് ശിവം ദുബെയുടെ അതിഥി വേഷമാണെന്ന് പ്രതികരിച്ചിരിക്കുകയാണ് ഇന്ത്യൻ ക്രിക്കറ്റ് ടീം താരം ജസ്പ്രീത് ബുംറ.
മത്സരത്തിന് ശേഷം, ഇന്ത്യയുടെ റൺ പിന്തുടരൽ അവസാനം ബുദ്ധിമുട്ടാകാതിരിക്കാൻ ദുബെയുടെ അതിഥി വേഷം നിർണായകമായിരുന്നുവെന്ന് ബുംറ ചൂണ്ടിക്കാട്ടി.
ALSO READ :- കൊൽക്കത്തയിൽ സഞ്ജുവിന്റെ അഴിഞ്ഞാട്ടം; മറികടന്നത് വിരാട് കോഹ്ലിയുടെ വമ്പൻ റെക്കോർഡ്…
ഇന്ത്യയുടെ വിജയത്തിന് ശേഷം ജിയോ ഹോട്ട്സ്റ്റാറിൽ സംസാരിച്ച ബുംറ, ഷമർ ജോസഫ് എറിഞ്ഞ 19-ാം ഓവറിൽ ദുബെ രണ്ട് ബൗണ്ടറികൾ നേടിയെന്നും അത് 196 റൺസ് എന്ന വിജയലക്ഷ്യം പിന്തുടരുന്ന ഇന്ത്യയ്ക്ക് മേലുള്ള സമ്മർദ്ദം കുറയ്ക്കാൻ സഹായിച്ചുവെന്നും പറഞ്ഞു.
ഹാർദിക് പാണ്ഡ്യ പുറത്തായതിന് ശേഷം ബാറ്റ് ചെയ്യാൻ ഇറങ്ങിയ ചെന്നൈ മധ്യനിര ബാറ്റ്സ്മാൻ 19ആം ഓവറിൽ രണ്ട് ബൗണ്ടറികൾ നേടി, അവസാന ഓവറിൽ ഇന്ത്യയ്ക്ക് ജയിക്കാൻ 7 റൺസ് മാത്രം മതിയെന്ന് ഉറപ്പാക്കി. പിന്നീട് അവസാന ഓവറിൽ ആദ്യ രണ്ട് പന്തിൽ തന്നെ 10 റൺസുകൾ നേടി സഞ്ജു സാംസൺ മത്സരം ഫിനിഷ് ചെയ്തും.