റയൽ മാഡ്രിഡ് തങ്ങളുടെ മധ്യനിര ശക്തിപ്പെടുത്തുന്നതിനായി പുതിയ താരങ്ങളെ തേടുകയാണ്. ക്ലബ് ലോകകപ്പിൽ പിഎസ്ജിയോട് തോറ്റതിന് ശേഷം, ടീമിന്റെ മധ്യനിരയിൽ മാറ്റങ്ങൾ അനിവാര്യമാണെന്ന് പരിശീലകൻ ഷാബി അലോൻസോ പ്രസിഡന്റ് ഫ്ലോറന്റിനോ പെരസിനെ അറിയിച്ചു. ഇതിന്റെ ഭാഗമായി, മാഞ്ചസ്റ്റർ സിറ്റിയുടെ റോഡ്രിയെ ലക്ഷ്യമിടുന്നതിനിടെ, അവർ മറ്റൊരു ഭാവി താരത്തെയും ഉന്നമിടുന്നു.
റോഡ്രിക്ക് 29 വയസ്സായതും കഴിഞ്ഞ സീസണിലെ പരിക്ക് പ്രശ്നങ്ങളും റയലിനെ ആശങ്കപ്പെടുത്തുന്നുണ്ട്. അതുകൊണ്ട്, മധ്യനിരയുടെ ഭാവി സുരക്ഷിതമാക്കാൻ റയൽ മാഡ്രിഡ് ഒരു യുവപ്രതിഭയെ തേടുകയാണ്. ഈ നീക്കത്തിന്റെ ഭാഗമായി അവർ ആഴ്സനലിന്റെ യുവതാരത്തിൽ കണ്ണുവെച്ചിട്ടുണ്ട്.
ഡിഫൻസ സെൻട്രലിന്റെ റിപ്പോർട്ട് അനുസരിച്ച്, റയൽ മാഡ്രിഡ് ഇപ്പോൾ ആഴ്സനലിന്റെ യൂത്ത് സിസ്റ്റത്തിലെ വണ്ടർ കിഡ് ആയ മാക്സ് ഡൗമാനെ സ്വന്തമാക്കാൻ ശ്രമിക്കുകയാണ്. 15 വയസ്സുകാരനായ ഈ താരം റയൽ പ്രസിഡന്റ് ഫ്ലോറന്റിനോ പെരസിന്റെ ശ്രദ്ധ ആകർഷിച്ചു കഴിഞ്ഞു.
അറ്റാക്കിംഗ് മിഡ്ഫീൽഡ് പൊസിഷനിൽ മികച്ച കഴിവുകൾ പ്രകടിപ്പിച്ച മാക്സ് ഡൗമാനെ സ്പെയിനിലേക്ക് കൊണ്ടുവരാനാണ് റയൽ മാഡ്രിഡ് ലക്ഷ്യമിടുന്നത്. നിലവിൽ ഇംഗ്ലണ്ടിലെ വലിയ ക്ലബ്ബുകളിലൊന്നിന്റെ യൂത്ത് സിസ്റ്റത്തിൽ പരിശീലനം നേടുന്ന താരമാണ് മാക്സ്.
നിരവധി യൂറോപ്യൻ വമ്പന്മാർ ഈ യുവതാരത്തെ ലക്ഷ്യമിടുന്നുണ്ട്. എന്നാൽ, റയൽ മാഡ്രിഡിൽ നിന്ന് ഒരു ക്ഷണം ലഭിച്ചാൽ മാക്സ് ഡൗമാൻ അത് പരിഗണിക്കാനുള്ള സാധ്യത വളരെ കൂടുതലാണ്.