ഇന്ത്യൻ ഫുട്ബോൾ ആരാധകർ ഏറെ ആകാംക്ഷയോടെ കാത്തിരുന്ന isl 2025-26 സീസണിന്റെ പുതിയ രൂപരേഖ പുറത്ത് വന്നിരിക്കുകയാണ്. ഒട്ടേറെ അനിശ്ചിതത്വങ്ങൾക്കൊടുവിൽ ജനുവരി മൂന്നാം വാരത്തോടെ ലീഗ് ആരംഭിക്കാനാണ് ഇപ്പോൾ തീരുമാനമായിരിക്കുന്നത്. എഐഎഫ്എഫ് (AIFF) നിയമിച്ച പ്രത്യേക കമ്മിറ്റിയാണ് ഈ പുതിയ പദ്ധതി മുന്നോട്ട് വെച്ചിരിക്കുന്നത്.
നേരത്തെ ക്ലബ്ബുകൾ സ്വന്തം നിലയ്ക്ക് ലീഗ് നടത്താൻ താല്പര്യം പ്രകടിപ്പിച്ചിരുന്നു. കൂടാതെ ചില ഐ-ലീഗ് ക്ലബ്ബുകൾ പുതിയൊരു പ്രീമിയർ ലീഗ് എന്ന ആശയവും ഉയർത്തിയിരുന്നു. എന്നിരുന്നാലും ഈ രണ്ട് നിർദ്ദേശങ്ങളും എഐഎഫ്എഫ് തള്ളുകയായിരുന്നു. പകരം ഐഎസ്എൽ തന്നെ പുതിയൊരു രീതിയിൽ നടത്താനാണ് ഇപ്പോൾ തീരുമാനിച്ചിരിക്കുന്നത്.
പുതിയ മത്സരരീതി: പ്രധാന മാറ്റങ്ങൾ
ചുരുങ്ങിയ സമയത്തിനുള്ളിൽ സീസൺ തീർക്കേണ്ടതുണ്ട്. അതുകൊണ്ട് തന്നെ എഐഎഫ്എഫ് കമ്മിറ്റി ചില മാറ്റങ്ങൾ കൊണ്ടുവരുകയാണ്.
- രണ്ട് ഗ്രൂപ്പുകൾ: ലീഗിലെ 14 ടീമുകളെ രണ്ട് ഗ്രൂപ്പുകളായി തിരിക്കും.
- വേദികൾ: കൊൽക്കത്ത, ഗോവ എന്നീ രണ്ട് നഗരങ്ങളിൽ മാത്രമായിരിക്കും മത്സരങ്ങൾ.
- മത്സര ക്രമം: ഒരു ഗ്രൂപ്പിലെ മുഴുവൻ മത്സരങ്ങളും നിശ്ചയിക്കപ്പെട്ട നഗരത്തിൽ മാത്രമായിരിക്കും നടക്കുക.
- റൗണ്ട് റോബിൻ: ഒരു ടീം സ്വന്തം ഗ്രൂപ്പിലെ മറ്റ് ടീമുകളോട് രണ്ട് തവണ വീതം മത്സരിക്കണം.
- രണ്ടാം റൌണ്ട്: ഗ്രൂപ്പിലെ ടോപ് ടീമുകൾ രണ്ടാം റൗണ്ടിന് യോഗ്യത നേടുകയും അവിടെയും റൗണ്ട് റോബിൻ നിയമപ്രകാരം മത്സരിക്കുകയും ചെയ്യും.
ഈ മാറ്റങ്ങൾ വഴി എഎഫ്സി (AFC) മാനദണ്ഡങ്ങൾ പാലിക്കാൻ എഐഎഫ്എഫിന് സാധിക്കും. കൂടാതെ മെയ് അവസാനത്തോടെ ലീഗ് കൃത്യമായി അവസാനിപ്പിക്കാനും ഇത് സഹായിക്കും.
എന്തുകൊണ്ട് ഈ മാറ്റം?
യൂറോപ്യൻ കലണ്ടർ പിന്തുടരുന്ന ലീഗുകൾ മെയ് മാസത്തിൽ അവസാനിപ്പിക്കണം എന്നാണ് എഎഫ്സി നിയമം. അതുകൊണ്ട് തന്നെ സമയക്കുറവ് എഐഎഫ്എഫിന് വലിയ വെല്ലുവിളിയാണ്. ഒരു സീസണിൽ ഒരു ക്ലബ് 27 മത്സരങ്ങൾ പൂർത്തീകരിക്കണം എന്നാണ് എഎഫ്സി നിയമം.സൂപ്പർ കപ്പിൽ ടീമുകൾ ഇതിനകം മൂന്ന് മത്സരങ്ങൾ പൂർത്തിയാക്കിയിട്ടുണ്ട്. ഇനി 24 മത്സരങ്ങൾ കൂടി കഴിഞ്ഞാൽ ക്ലബ്ബുകൾക്ക് ആകെ 27 മത്സരങ്ങൾ തികയ്ക്കാൻ സാധിക്കും.
ഇതുകൂടാതെ യാത്രകൾ ഒഴിവാക്കി ഒരേ വേദികളിൽ മത്സരിക്കുന്നത് സാമ്പത്തിക ബാധ്യത കുറയ്ക്കാനും സഹായിക്കും. എന്നിരുന്നാലും സ്വന്തം ഗ്രൗണ്ടിൽ കളി കാണാൻ കഴിയാത്തത് ആരാധകർക്ക് ചെറിയ നിരാശ നൽകുന്നുണ്ട്. isl 2025-26 സീസൺ വിജയിപ്പിക്കാൻ ഇത്തരമൊരു വിട്ടുവീഴ്ച അനിവാര്യമാണെന്ന് കമ്മിറ്റി കരുതുന്നു.
ഇനി അറിയാനുള്ളത്
ആദ്യ ഗ്രൂപ്പ് ഘട്ടത്തിന് ശേഷം എത്ര ടീമുകൾ അടുത്ത റൗണ്ടിലേക്ക് എത്തും എന്നതിൽ നിലവിൽ വ്യക്തതയില്ല. ഇതിനെക്കുറിച്ച് പുതിയ കമ്മിറ്റി വരും ദിവസങ്ങളിൽ കൂടുതൽ വിവരങ്ങൾ പുറത്തുവിടും. കൂടാതെ ഈ തീരുമാനത്തിന് ക്ലബ്ബുകളുടെ പൂർണ്ണ പിന്തുണ ലഭിക്കേണ്ടതുണ്ട്. എങ്കിലും ലീഗ് നടക്കണമെന്ന വാശിയിലാണ് ഫുട്ബോൾ അധികൃതർ.
isl 2025-26 സീസണിലെ ഗ്രൂപ്പ് പോരാട്ടങ്ങൾ കടുത്തതാകുമെന്ന് ഉറപ്പാണ്. കൊൽക്കത്തയിലെയും ഗോവയിലെയും മൈതാനങ്ങൾ വീണ്ടും ഫുട്ബോൾ ലഹരിയിലേക്ക് ഉണരുകയാണ്. ഇന്ത്യൻ ഫുട്ബോളിന്റെ ഭാവി നിർണ്ണയിക്കുന്ന ഒരു സീസണായിരിക്കും ഇത്.
ലേലം ഗംഭീരമാക്കി ആർസിബി; ഫുൾ സ്ക്വാഡ്, സാധ്യത ഇലവൻ അറിയാം