സ്പാനിഷ് വമ്പന്മാരായ റയൽ മാഡ്രിഡിന്റെ മുന്നേറ്റനിരയിലെ കുന്തമുന വിനീഷ്യസ് ജൂനിയറെ ടീമിൽ നിലനിർത്താൻ ക്ലബ്ബ് മാനേജ്മെന്റ് നിർണ്ണായക നീക്കം നടത്തുന്നു. നിലവിൽ 2027 വരെ ക്ലബ്ബുമായി കരാറുള്ള ബ്രസീലിയൻ വിങ്ങറെ 2031 വരെ ടീമിൽ നിലനിർത്തുന്ന രീതിയിലുള്ള പുതിയ കരാറാണ് റയൽ മാഡ്രിഡ് തയ്യാറാക്കുന്നത് (Vinicius Jr Real Madrid Contract Extension).
RELATED READS: ഇടിവെട്ട് ഡിഫൻഡറെ സ്വന്തമാക്കാൻ മാഞ്ചസ്റ്റർ യുണൈറ്റഡ്; വിന്റർ വിപണിയിലെ ആദ്യനീക്കം
റയലിൽ വീണ്ടുമൊരു ബ്രസീലിയൻ സൈനിംഗ്; ഗോളടി മിഷനെ റാഞ്ചാൻ സ്പാനിഷ് വമ്പന്മാർ
ലോക ഫുട്ബോളിലെ തന്നെ ഏറ്റവും മികച്ച ഫോമിലുള്ള താരങ്ങളിൽ ഒരാളായ വിനീഷ്യസിനെ കൈവിടാൻ ക്ലബ്ബ് ഒരുക്കമല്ലെന്ന വ്യക്തമായ സൂചനയാണിത്. താരവും കരാർ പുതുക്കലിനോട് അനുകൂല നിലപാട് സ്വീകരിച്ചു എന്നാണ് ആരാധകരെ സന്തോഷത്തിലാക്കുന്നത്.
ഈ സീസണിൽ മാത്രം 17 ഗോളുകളും 13 അസിസ്റ്റുകളും നേടി മികച്ച പ്രകടനമാണ് വിനീഷ്യസ് കാഴ്ചവെക്കുന്നത്. ടീമിന്റെ വിജയങ്ങളിൽ നിർണ്ണായക പങ്കുവഹിക്കുന്ന താരം റയൽ മാഡ്രിഡിന്റെ ഭാവി പദ്ധതികളുടെ അവിഭാജ്യ ഘടകമായി മാറിയിരിക്കുകയാണ്.
കഴിഞ്ഞ സീസണിൽ പരിശീലകൻ സാബി അലോൺസോയുമായി ചില അസ്വാരസ്യങ്ങൾ ഉണ്ടായതിനെത്തുടർന്ന് താരം ക്ലബ്ബ് വിടുമെന്ന തരത്തിൽ റിപ്പോർട്ടുകൾ പുറത്തുവന്നിരുന്നു. എന്നാൽ ആ സാഹചര്യങ്ങളെല്ലാം ഇപ്പോൾ പൂർണ്ണമായും മാറിയിരിക്കുകയാണ്. വിനീഷ്യസിന്റെ കളിമികവിലും അർപ്പണബോധത്തിലും ക്ലബ്ബ് ഇപ്പോൾ പൂർണ്ണ വിശ്വാസം പ്രകടിപ്പിക്കുന്നു.
താരത്തെ റാഞ്ചാൻ പല വമ്പൻ ക്ലബ്ബുകളും ശ്രമിക്കുന്നുണ്ടെങ്കിലും റയൽ മാഡ്രിഡിന്റെ പ്രോജക്റ്റിൽ വിനീഷ്യസ് സന്തുഷ്ടനാണ്. വരാനിരിക്കുന്ന നാല് വർഷം കൂടി കരാർ നീട്ടുന്നതിലൂടെ വിനീഷ്യസിനെ ടീമിന്റെ മുഖമായി നിലനിർത്താനാണ് പ്രസിഡന്റ് ഫ്ലോറന്റിനോ പെരസ് ലക്ഷ്യമിടുന്നത്.
ഇതിലൂടെ വിനീഷ്യസിന്റെ മൂല്യത്തിനൊപ്പം ടീമിന്റെ സ്ഥിരതയും വർദ്ധിക്കുമെന്ന് മാനേജ്മെന്റ് കരുതുന്നു. വരും ദിവസങ്ങളിൽ ഔദ്യോഗികമായി പുതിയ കരാർ പ്രഖ്യാപിക്കുമെന്നാണ് ആരാധകർ പ്രതീക്ഷിക്കുന്നത്.
ALSO READ: ക്രിസ്റ്റ്യാനോ റൊണാൾഡോ ഹോളിവുഡിലേക്ക്; ഫാസ്റ്റ് & ഫ്യൂരിയസ് സീരിസിലേക്ക് ക്ഷണം
content: Vinicius Jr Real Madrid Contract Extension