ഇന്ത്യൻ ദേശീയ ടീം സെലക്ഷൻ കമ്മിറ്റി ചെയർമാൻ അജിത് അഗാർക്കറുടെ കസേര തെറിക്കാൻ സാധ്യതയേറിയെന്ന് റിപ്പോർട്ടുകൾ. ഇന്ത്യൻ ടീമിൽ സഞ്ജു സാംസൺ നേരിട്ട തിരിച്ചടികൾക്ക് പ്രധാന കാരണക്കാരനായ അഗാർക്കർ പുറത്തേക്കുള്ള വഴിയിലാണെന്ന വാർത്ത ആരാധകർക്കിടയിൽ വലിയ ചർച്ചയായിട്ടുണ്ട്.
ടി20 ലോകകപ്പിൽ മികച്ച പ്രകടനം നടത്തി ഇന്ത്യയെ ലോകകിരീടത്തിലേക്ക് നയിച്ച സഞ്ജുവിനെ സിംബാബ്വെ പരമ്പരയിൽ നിന്നും തഴഞ്ഞത് അഗാർക്കറായിരുന്നു.
വൈഭവ് സൂര്യവംശിയെ ഉൾപ്പെടുത്താനായി സഞ്ജുവിനെ മാറ്റിനിർത്തിയപ്പോൾ, മുഖ്യപരിശീലകൻ ഗൗതം ഗംഭീർ സഞ്ജുവിനായി ശക്തമായി വാദിച്ചിട്ടും തടസ്സം നിന്നത് അഗാർക്കറുടെ നിലപാടുകളായിരുന്നു.
നിലവിൽ നടക്കുന്ന ശ്രീലങ്കയ്ക്കെതിരായ ടെസ്റ്റ് പരമ്പരയ്ക്കുശേഷം അഗാർക്കറുമായി ബിസിസിഐ നിർണായക യോഗം ചേരുകയാണ്. അഗാർക്കറുടെ മൂന്നുവർഷത്തെ കാലാവധി വരുന്ന സെപ്റ്റംബറിൽ അവസാനിക്കുകയാണ്. ചട്ടപ്രകാരം ഒരു വർഷം കൂടി കാലാവധി നീട്ടി നൽകാൻ ബിസിസിഐക്ക് സാധിക്കുമെങ്കിലും അത് ഉണ്ടാകാനിടയില്ലെന്നാണ് സൂചനകൾ.
സഞ്ജുവിനോടുള്ള അവഗണനയ്ക്ക് പുറമെ രോഹിത് ശർമയുടെ ഭാവി തീരുമാനിക്കുന്നതിൽ ഉണ്ടാക്കിയ വിവാദങ്ങളും ബിസിസിഐയുമായുള്ള അഭിപ്രായവ്യത്യാസങ്ങളുമാണ് അഗാർക്കർക്ക് വിനയായത്.
2027 ഏകദിന ലോകകപ്പ് വരെ അഗാർക്കർ തുടരണമെന്ന് ബിസിസിഐ നേരത്തെ ആഗ്രഹിച്ചിരുന്നെങ്കിലും കാര്യങ്ങൾ അപ്രതീക്ഷിതമായി മാറിമറഞ്ഞു.
കഴിഞ്ഞ ഇംഗ്ലണ്ട് പരമ്പരയോടെ രോഹിത് ശർമ വിരമിക്കണമെന്ന് അഗാർക്കർ നിർദ്ദേശിച്ചതാണ് ബിസിസിഐയെ ചൊടിപ്പിച്ചത്.
യശസ്വി ജയ്സ്വാളിനെപ്പോലുള്ള യുവതാരങ്ങൾക്ക് അവസരം നൽകാനാണ് ഈ തീരുമാനമെന്ന് അഗാർക്കർ ന്യായീകരിച്ചെങ്കിലും ബിസിസിഐ സെക്രട്ടറി ദേവജിത് സൈകിയ ഇതിനെതിരെ പരസ്യമായി രംഗത്തെത്തി.
രോഹിത് കളിക്കുന്ന കാലത്തോളം ടീമിലുണ്ടാകുമെന്നും സൈകിയ വ്യക്തമാക്കി.
അഗാർക്കറുമായുള്ള ചർച്ചകൾക്ക് ശേഷം അദ്ദേഹത്തെ പദവിയിൽ നിന്ന് ഒഴിവാക്കാനാണ് ബോർഡിന്റെ നീക്കം.
അഗാർക്കർ പുറത്തായാൽ മുൻ ഇന്ത്യൻ പേസർ സഹീർ ഖാൻ അല്ലെങ്കിൽ വി.വി.എസ്. ലക്ഷ്മൺ എന്നിവരിൽ ഒരാൾ പുതിയ ചീഫ് സെലക്ടറായി സ്ഥാനമേൽക്കുമെന്നാണ് റിപ്പോർട്ടുകൾ.
എന്തായാലും സെലക്ഷൻ കമ്മിറ്റിയുടെ തലപ്പത്തുനിന്നും അഗാർക്കർ ഒഴിയുന്നത് സഞ്ജു സാംസണിന്റെ കരിയറിൽ നിർണായക വഴിത്തിരിവാകും.
അഗാർക്കറുടെ അവഗണന മൂലം പുറത്തിരിക്കേണ്ടി വന്ന സഞ്ജുവിന് വീണ്ടും ഇന്ത്യൻ ടി20 ടീമിലേക്ക് ശക്തമായി തിരിച്ചെത്താനും വരും പരമ്പരകളിൽ മികച്ച അവസരങ്ങൾ സ്വന്തമാക്കാനും ഇത് വഴിയൊരുക്കുമെന്നാണ് ആരാധകരുടെ പ്രതീക്ഷ.
ALSO READ:
- പുതിയ പരിശീലകന്റെ കാര്യത്തിൽ അന്തിമതീരുമാനമെടുത്ത് സിഎസ്കെ: പ്രഖ്യാപനം ഉടൻ
- ഹാർദിക് കെകെആറിലേക്ക്: പകരം മുംബൈ ആവശ്യപ്പെടുന്നത് കൊൽക്കത്തയുടെ മികച്ച യുവതാരങ്ങളെ
- ബ്ലാസ്റ്റേഴ്സിന് എട്ടിന്റെ പണി കൊടുത്ത് ‘ചർച്ചിൽ ബ്രദേഴ്സ്’: കൈമാറ്റ ചർച്ചകൾ വീണ്ടും നീളുന്നു
English Summary: Recent Ajit Agarkar BCCI chief selector removal news suggests major changes in the Indian selection committee. Tensions with senior players and controversy over Rohit Sharma’s retirement plan have led BCCI to consider ending Agarkar’s tenure, potentially paving the way for Sanju Samson’s return to the T20 squad.