ഐപിഎൽ ലോകത്തെ അപ്രതീക്ഷിത നീക്കങ്ങൾ എന്നും ആരാധകരെ ആവേശം കൊള്ളിക്കാറുണ്ട്. അത്തരത്തിൽ ഒരു വാർത്തയാണ് ഇപ്പോൾ പുറത്തുവരുന്നത്. ക്രിക്കറ്റ് ഇതിഹാസവും മുൻ രാജസ്ഥാൻ റോയൽസ് ഡയറക്ടറുമായ കുമാർ സംഗക്കാര കൊൽക്കത്ത നൈറ്റ് റൈഡേഴ്സ് ടീമിനൊപ്പം ചേർന്നേക്കുമെന്നാണ് റിപ്പോർട്ടുകൾ.
മെന്റർ സ്ഥാനത്തേക്കാണ് സംഗക്കാര എത്താൻ സാധ്യതകളെന്നാണ് റിപ്പോർട്ട്. ഐപിഎൽ 2025 മെഗാ ലേലത്തിന് മുന്നോടിയായി ടീം മാനേജ്മെൻ്റുകൾ വലിയ മാറ്റങ്ങൾക്ക് ഒരുങ്ങുമ്പോൾ ഈ നീക്കം വളരെ നിർണ്ണായകമാകും. സംഗക്കാരയുടെ തന്ത്രങ്ങളും പരിചയസമ്പത്തും KKR-ന് വലിയ മുതൽക്കൂട്ടാകും.
സംഗക്കാരയും മലയാളി താരം സഞ്ജു സാംസണും തമ്മിലുള്ള ബന്ധം ഏറെ ശ്രദ്ധേയമാണ്. രാജസ്ഥാൻ റോയൽസിൽ സഞ്ജുവിൻ്റെ പ്രകടനത്തിൽ വലിയ സ്വാധീനം ചെലുത്തിയത് സംഗക്കാരയായിരുന്നു. ടീം ഡയറക്ടർ എന്ന നിലയിൽ സഞ്ജുവിന് നൽകിയ പിന്തുണയും മാർഗ്ഗനിർദ്ദേശങ്ങളും അദ്ദേഹത്തിൻ്റെ കരിയറിൽ വഴിത്തിരിവായിരുന്നു.
ഈ അടുപ്പം കാരണം സഞ്ജു സാംസൺ കൊൽക്കത്ത നൈറ്റ് റൈഡേഴ്സിലേക്ക് എത്തുമോ എന്ന ചർച്ചകളും ആരാധകർക്കിടയിൽ സജീവമായിട്ടുണ്ട്. സഞ്ജുവിനായി ശക്തമായ നീക്കം നടത്തുന്ന കെകെആറിന് സഞ്ജുവിനെ ടീമിലെത്തിക്കാനുള്ള പ്ലാൻ ബിയാണ് സംഗയുടെ നിയമനം.
സംഗക്കാരയുടെ പുതിയ നീക്കം KKR-ൻ്റെ ഭാഗ്യത്തിന് കാരണമാകുമോ എന്ന് കണ്ടറിയണം. രാജസ്ഥാൻ റോയൽസിനെ മികച്ച രീതിയിൽ നയിച്ച ഈ കൂട്ടുകെട്ട് വീണ്ടും ഐപിഎൽ ലോകത്ത് ഒരുമിച്ച് വരുമോ എന്ന് ഉറ്റുനോക്കുകയാണ് ക്രിക്കറ്റ് ലോകം.