അങ്ങനെ ഒട്ടേറെ നാളത്തെ പ്രതിസന്ധികൾക്കൊടുവിൽ കാത്തിരിപ്പിന് വിരാമം നൽകിക്കൊണ്ട് ഇന്ത്യൻ സൂപ്പർ ലീഗ് തിരിച്ചുവരുകയാണ്. ഇന്ന് ചേർന്ന AIFF യോഗത്തിൽ ഇന്ത്യൻ സൂപ്പർ ലീഗിന്റെ 2025-26 സീസൺ ഫെബ്രുവരി 14 മുതൽ ആരംഭിക്കുമെന്ന് കേന്ദ്ര കായിക മന്ത്രിയായ മൻസുഖ് മാണ്ഡവ്യ അറിയിച്ചിരിക്കുകയാണ്.
നിലവിൽ ഇന്ത്യൻ സൂപ്പർ ലീഗിൽ പങ്കെടുക്കുന്ന 14 ക്ലബ്ബുകളും ഈ സീസണിലും പങ്കെടുക്കുമെന്ന് മന്ത്രി വ്യക്തമാക്കി. ഇതോടെ ഈ സീസണിൽ കേരള ബ്ലാസ്റ്റേഴ്സിന്റെ പങ്കാളിത്തവും ഉറപ്പിക്കാൻ കഴിയുന്നതാണ്.
ഹോം-എവേ സിംഗിൾ ലെഗ് രീതിയിലായിരിക്കും ഈ സീസൺ നടക്കുക. അതായത് എല്ലാ ടീമുകൾക്കും മറ്റ് ടീമുകളുമായി ഒരുതവണ ഏറ്റുമുട്ടാം. അതുകൊണ്ട് തന്നെ ഒരു ടീമിന് ഈ സീസണിൽ ആറോ അല്ലെങ്കിൽ ഏഴോ ഹോം മത്സരങ്ങൾ മാത്രമേ ഉണ്ടാകും. നിലവിൽ UEFA ചാമ്പ്യൻസ് ലീഗ് ഈയൊരു ഫോർമാറ്റിലാണ് നടക്കുന്നത്
കേരള ബ്ലാസ്റ്റേഴ്സ് ആരാധകരെ സംബന്ധിച്ചിടത്തോളം ഇതൊരു നിരാശജനകമായ വാർത്ത തന്നെയാണ്. കാരണം ഒട്ടേറെ നാളുകൾക്കു ശേഷം കൊച്ചിയിൽ കേരള ബ്ലാസ്റ്റേഴ്സിന്റെ മത്സരം കാണാൻ വേണ്ടി കാത്തിരിക്കുകയാണ് ആരാധകർ.
എന്നിരുന്നാലും പ്രതീക്ഷ നൽകുന്ന മറ്റൊരു കാര്യം എന്താണ് വെച്ചാൽ, കൊച്ചിയിലെ ഗ്രൗണ്ട്(പിച്ച്) മികച്ചത് ആയതുകൊണ്ട് ബ്ലാസ്റ്റേഴ്സിന് കൊച്ചിയിൽ വെച്ച് ഏഴ് മത്സരങ്ങൾ കളിക്കാൻ സാധിക്കാൻ സാധ്യതയുണ്ട്. അല്ലാത്തപക്ഷം ആറു മത്സരങ്ങൾ മാത്രമേ ബ്ലാസ്റ്റേഴ്സിന് കൊച്ചിയിൽ വെച്ച് കളിക്കാൻ കഴിയുകയുള്ളൂ.
ടൂർണമെന്റ് കളിക്കുന്ന മികച്ച പിച്ചുള്ള ടീമുകൾക്കാണ് കൂടുതൽ ഹോം മത്സരം കളിക്കാനുള്ള അവസരമുള്ളത് എന്നാണ് പ്രശസ്ത ഫുട്ബോൾ ജേണലിസ്റ്റായ മർക്കസ് റിപ്പോർട്ട് ചെയ്തത്. എന്തിരുന്നാലും ഇതുമായി ബന്ധപ്പെട്ടുള്ള കൂടുതൽ വിവരങ്ങൾ വരും ദിവസങ്ങളിൽ പുറത്തുവരുന്നതാണ്.