ഏഷ്യകപ്പിൽ ഇന്ത്യ ബദ്ധവൈരികളായ പാകിസ്താനെ നേരിടാൻ ഒരുങ്ങുകയാണ്. സെപ്റ്റംബർ 14 ന് ഞായറാഴ്ചയാണ് മത്സരം. സുപ്രധാനമായ മത്സരത്തിന് ഇന്ത്യ ഒരുങ്ങവെ ഇന്ത്യൻ ടീമിൽ സുപ്രധാന മാറ്റം നിർദേശിച്ചിരിക്കുകയാണ് മുൻ ഇന്ത്യൻ സ്പിന്നർ മുരളികാർത്തിക്.
ശിവം ദുബെയെ പുറത്തിരുത്തി അർഷ്ദീപ് സിംഗിനെ ടീമിൽ ഉൾപ്പെടുത്തണമെന്നാണ് മുരളികാർത്തികിന്റെ നിർദ്ദേശം. ഇത് ഇന്ത്യൻ ടീമിന് കൂടുതൽ കരുത്ത് നൽകുമെന്നും അദ്ദേഹം കൂട്ടിച്ചേർത്തു.
നിലവിൽ ടീമിൽ ഇടം നേടിയിട്ടുള്ള ശിവം ദുബെയെ പാകിസ്ഥാനെതിരെയുള്ള മത്സരത്തിൽ നിന്ന് പുറത്തിരുത്തണമെന്നും പകരം അർഷ്ദീപ് സിംഗിന് അവസരം നൽകണമെന്നുമാണ് മുരളികാർത്തിക് പറയുന്നത്.അർഷ്ദീപിന്റെ ബോളിംഗ് പാകിസ്ഥാനെതിരെ കൂടുതൽ ഫലപ്രദമാകുമെന്നും അദ്ദേഹം വിലയിരുത്തുന്നു.
അർഷ്ദീപ് സിംഗ് ഒരു മികച്ച ഇടംകൈയൻ ബോളറാണ്. അദ്ദേഹത്തിന്റെ വേഗതയും പന്തെറിയുന്ന രീതിയും പാകിസ്ഥാനിലെ ബാറ്റ്സ്മാൻമാർക്ക് താളം കണ്ടെത്താൻ ബുദ്ധിമുട്ടുണ്ടാക്കാൻ സാധ്യതയുണ്ട്. ഇത് ഇന്ത്യൻ ബോളിംഗ് നിരക്ക് കൂടുതൽ കരുത്ത് പകരും. ഫിനിഷിംഗ് ഓവറുകളിൽ വിക്കറ്റ് നേടാൻ കഴിവുള്ള ഒരു ബോളർ കൂടിയാണ് അർഷ്ദീപ്.
ശിവം ദുബെ ഓൾറൗണ്ടർ റോളിൽ ടീമിന് സംഭാവന നൽകുന്നുണ്ടെങ്കിലും, ബോളർ എന്ന നിലയിൽ അദ്ദേഹത്തിന്റെ പ്രകടനം സംശയത്തിലാണ്. അതിനാൽ, ദുബെയ്ക്ക് പകരം ഒരു മികച്ച ബോളിംഗ് ഓപ്ഷൻ പരിഗണിക്കണമെന്നാണ് മുരളികാർത്തിക് ആവശ്യപ്പെടുന്നത്.