വരാനിരിക്കുന്ന മിനിലേലത്തിൽ ചെന്നൈ സൂപ്പർ കിങ്സ് മൂന്ന് നിർണായക താരങ്ങളെ ലക്ഷ്യമിടുന്നതായി റിപ്പോർട്ട്. സിഎസ്കെയുടെ ആഭ്യന്തര യോഗങ്ങളിൽ ഈ കാര്യങ്ങൾ ചർച്ചയായെന്ന് സീ ഇന്ത്യ റിപ്പോർട്ട് ചെയ്യുന്നു.
ടോപ് ഓർഡർ ശക്തമാക്കുക എന്നതാണ് സിഎസ്കെയുടെ പ്രധാന ലക്ഷ്യം. സഞ്ജു സാംസണെ സ്വന്തമാക്കാൻ സാധിച്ചില്ലെങ്കിൽ ഓസ്ട്രേലിയൻ താരം കാമറൂൺ ഗ്രീൻ അല്ലെങ്കിൽ ഇംഗ്ലണ്ടിന്റെ ബെൻ ഡക്കറ്റ് എന്നിവരെയാണ് CSK പരിഗണിക്കുന്നത്.
മികച്ച ഒരു ഇന്ത്യൻ ഫിനിഷറെ ടീമിലെത്തിക്കാനും സിഎസ്കെ തീരുമാനിച്ചിട്ടുണ്ട്. ഡെവാൾഡ് ബ്രെവിസിനൊപ്പം ഫിനിഷറായി കളിക്കാൻ കഴിയുന്ന താരത്തെയാണ് ടീം തേടുന്നത്.
പേസ് ബൗളിംഗ് വിഭാഗത്തിലും ഒരു ഇന്ത്യൻ താരത്തെ ടീമിലെത്തിക്കാൻ സാധ്യതയുണ്ട്. ഡെത്ത് ഓവറുകളിൽ മതീഷ പതിരാനയ്ക്ക് പിന്തുണ നൽകാൻ മുഹമ്മദ് ഷമിയുടെ ലഭ്യതയും സിഎസ്കെ പരിശോധിച്ചതായി റിപ്പോർട്ടിലുണ്ട്.
ഈ റിപ്പോർട്ട് സിഎസ്കെയുടെ ലേലതന്ത്രങ്ങൾ വ്യക്തമാക്കുന്നു. ടീമിന്റെ നിലവിലുള്ള പോരായ്മകൾ പരിഹരിച്ച് ഒരു മികച്ച സ്ക്വാഡ് ഉണ്ടാക്കാനാണ് സിഎസ്കെ ശ്രമിക്കുന്നത്.