ഇന്ത്യൻ പ്രീമിയർ ലീഗിന്റെ പുതിയ സീസണിനായി മാസങ്ങൾ ബാക്കിയുണ്ടെങ്കിലും, ആരാധകരുടെ ആവേശം വാനോളമുയർത്തി ക്രിക്കറ്റ് ലോകത്ത് അണിയറ നീക്കങ്ങൾ സജീവമായിക്കഴിഞ്ഞു.
ട്രേഡിംഗ് വിൻഡോ തുറന്നതോടെ വമ്പൻ ടീമുകളെല്ലാം തങ്ങളുടെ പോരായ്മകൾ പരിഹരിക്കാനും മികച്ച താരങ്ങളെ ടീമിലെത്തിക്കാനുമുള്ള ശ്രമങ്ങളിലാണ്.
റിഷാബ് പന്തിനെ ഡൽഹി ക്യാപിറ്റൽസിന് കൈമാറി പകരം കുൽദീപ് യാദവിനെ ലക്നൗ സൂപ്പർ ജയന്റ്സ് സ്വന്തമാക്കിയ വാർത്തകൾക്ക് പിന്നാലെ, ഐപിഎൽ ട്രേഡിംഗ് വിപണി കൂടുതൽ ചൂടുപിടിച്ചിരിക്കുകയാണ്.
മുംബൈ ഇന്ത്യൻസ് നായകൻ ഹാർദിക് പാണ്ഡ്യയുടെ ട്രേഡ് സാധ്യതകളെക്കുറിച്ചുള്ള ചർച്ചകൾ തകൃതിയായി നടക്കുന്നതിനിടയിലാണ് ആരാധകരെ ആവേശത്തിലാക്കിക്കൊണ്ട് മറ്റൊരു വമ്പൻ ട്രേഡിംഗ് വാർത്ത പുറത്തുവരുന്നത്.അഞ്ച് തവണ ചാമ്പ്യന്മാരായ ചെന്നൈ സൂപ്പർ കിംഗ്സിനെ ലക്ഷ്യമിട്ട് നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരു നടത്തിയ നീക്കങ്ങളാണ് ഇപ്പോൾ പ്രധാന ചർച്ചാവിഷയം.
കഴിഞ്ഞ സീസണിൽ വെസ്റ്റ് ഇൻഡീസ് ഓൾറൗണ്ടർ റൊമാരിയോ ഷെപ്പേർഡ് പ്രതീക്ഷിച്ച പ്രകടനം പുറത്തെടുക്കാതിരുന്നതോടെയാണ് പുതിയൊരു ഫാസ്റ്റ് ബൗളിംഗ് ഓൾറൗണ്ടർക്കായി ആർസിബി വലവീശിയത്.
ഇതിന്റെ ഭാഗമായി ചെന്നൈയുടെ ഇംഗ്ലീഷ് താരം ജാമി ഓവർട്ടണെ സ്വന്തമാക്കാൻ ആർസിബി മാനേജ്മെന്റ് തീവ്രശ്രമം നടത്തി.
ഓവർട്ടണ് പകരം വിക്കറ്റ് കീപ്പർ ബാറ്റർ ജിതേഷ് ശർമ്മയെയും യുവ സീമർ റസിഖ് സലാമിനെയും കൈമാറാമെന്ന വമ്പൻ ഓഫറാണ് ആർസിബി നൽകിയത്.
റസിഖ് സലാമിന് പകരം ഓസ്ട്രേലിയൻ താരം ടിം ഡേവിഡിനെ നൽകാമെന്നും അവർ വ്യക്തമാക്കിയിരുന്നു.
എന്നാൽ, ആർസിബി നൽകിയ ഈ ആകർഷകമായ ഓഫറുകളെല്ലാം ചെന്നൈ സൂപ്പർ കിംഗ്സ് മാനേജ്മെന്റ് പൂർണ്ണമായി തള്ളിക്കളയുകയായിരുന്നുവെന്നാണ് ടൈംസ് ഓഫ് ഇന്ത്യയുടെ തമിഴ് പോർട്ടൽ റിപ്പോർട്ട് ചെയ്യുന്നത്.
ജാമി ഓവർട്ടണെ വിട്ടുനൽകില്ലെന്ന് വ്യക്തമായതോടെ മറ്റൊരു സൂപ്പർ താരത്തെ ലക്ഷ്യമിട്ട് ആർസിബി വീണ്ടും ചെന്നൈയെ സമീപിച്ചു.
സൗത്ത് ആഫ്രിക്കൻ യുവതാരം ഡെവാൾഡ് ബ്രെവിസിനെ സ്വന്തമാക്കാനായിരുന്നു ആർസിബിയുടെ രണ്ടാമത്തെ ശ്രമം.
ബ്രെവിസിന് പകരമായി ജിതേഷ് ശർമ്മ, യാഷ് ദയാൽ എന്നിവരെ വിട്ടുനൽകാൻ ആർസിബി തയാറായിരുന്നു. എങ്കിലും, തങ്ങളുടെ ഭാവി വാഗ്ദാനങ്ങളായ താരങ്ങളെ വിട്ടുകൊടുക്കാൻ തയ്യാറല്ലെന്ന നിലപാടിൽ ഉറച്ചുനിന്ന സിഎസ്കെ ഈ ഓഫറും നിരസിക്കുകയായിരുന്നു.
ഇതോടെ ലീഗിലെ രണ്ട് വമ്പൻ ടീമുകൾ തമ്മിൽ നടക്കേണ്ടിയിരുന്ന അപൂർവ്വമായ ട്രേഡ് നീക്കങ്ങൾക്കാണ് വിരാമമായത്.
ALSO READ:
- ഗംഭീർ ‘താൽകാലികമായി പുറത്ത്’: പകരം പഴയ പരിശീലകൻ തിരിച്ചെത്തുന്നു
- സഞ്ജുവിനെ എന്ത് കൊണ്ട് ഒഴിവാക്കി? ഇതാ 3 കാരണങ്ങൾ
- ചെന്നൈയും രാജസ്ഥാനും വേണ്ട, പകരം മറ്റൊരു ടീം തിരഞ്ഞടുത്ത് ഹാർദിക് പാണ്ട്യ: ട്രേഡ് നീക്കം സജീവമാകുന്നു
English Summary: According to recent IPL 2027 RCB CSK trade news, Royal Challengers Bengaluru attempted a major player swap for Jamie Overton and Dewald Brevis. However, Chennai Super Kings rejected all offers involving Jitesh Sharma, Tim David, and Yash Dayal, choosing to retain their core squad members.