Faf
കേരളാ ബ്ലാസ്റ്റേഴ്സ് ഈ സീസണിൽ ഇതിനോടകം 4 താരങ്ങളെ കൈയ്യൊഴിഞ്ഞിരിക്കുകയാണ്. സൗരവ് മൊണ്ഡൽ, പ്രബീർ ദാസ്, സോട്ടിരിയോ, രാഹുൽ കെപി എന്നിവരാണ് ഇതിനോടകം ക്ലബ് വിട്ടവർ. ഇപ്പോഴിതാ ബ്ലാസ്റ്റേഴ്സ് ഒരു വിദേശ താരത്തെ കൂടി റിലീസ് ചെയ്യാൻ ഒരുങ്ങുന്നുവെന്നാണ് റിപ്പോർട്ട്.
ഐഎഫ്ടി ന്യൂസിന്റെ റിപ്പോർട്ട് പ്രകാരം ഈ വിന്റർ ട്രാൻസ്ഫർ വിൻഡോയിൽ മോണ്ടിനെഗ്രെനിയൻ പ്രതിരോധ താരം മിലോസ് ഡ്രിങ്കിച്ചിനെ കൈയ്യൊഴിയാൻ ബ്ലാസ്റ്റേഴ്സ് ഒരുങ്ങുന്നുവെന്നാണ്.
2026 വരെയാണ് മിലോസിന് ബ്ലാസ്റ്റേഴ്സിൽ കരാറുള്ളത്. ഈ കരാർ റദ്ദ് ചെയ്ത് താരത്തെ ജനുവരിയിൽ തന്നെ പറഞ്ഞയക്കാനാണ് ക്ലബ്ബിന്റെ നീക്കം.
കഴിഞ്ഞ സീസണിൽ ബ്ലാസ്റ്റേഴ്സിൽ എത്തിയ മിലോസ് ഇത് വരെ ബ്ലാസ്റ്റേഴ്സിനായി 39 മത്സരങ്ങൾ കളിച്ചിട്ടുണ്ട്. ഈ സീസണിൽ ബ്ലാസ്റ്റേഴ്സിന്റെ നായക സ്ഥാനം അലങ്കരിച്ച താരം കൂടിയാണ് മിലോസ്.
അതേ സമയം പ്രതിരോധത്തിൽ വിമർശനം കേൾക്കുന്ന താരമാണ് മിലോസ്. പലപ്പോഴും നഷ്ടപെട്ട പന്ത് റിക്കവർ ചെയ്യാനുള്ള സ്പീഡ് താരത്തിനില്ല എന്നതാണ് പ്രധാന വിമർശനം.
