കേരളാ ബ്ലാസ്റ്റേഴ്സ് (Kerala Blasters) ആരാധകരെ വീണ്ടും നിരാശയിലാഴ്ത്തുന്ന വിവരങ്ങളാണ് ട്രാൻസ്ഫർ വിപണിയിൽ നിന്നും പുറത്തുവരുന്നത്. ഒരു വശത്ത് ക്ലബ്ബിന്റെ കൈമാറ്റ ചർച്ചകളും പുതിയ നിക്ഷേപകരുടെ വരവും സംബന്ധിച്ച വാർത്തകൾ സജീവമായി നിലനിൽക്കുമ്പോൾ തന്നെ, മറുവശത്ത് ടീമിലെ പ്രധാന താരങ്ങളുടെ കൊഴിഞ്ഞുപോക്ക് തുടർക്കഥയാവുകയാണ്.
കഴിഞ്ഞ സീസണിൽ ബ്ലാസ്റ്റേഴ്സിനായി തകർപ്പൻ പ്രകടനം പുറത്തെടുത്ത സ്പാനിഷ് മുന്നേറ്റ താരം വിക്ടർ ക്ലബ്ബ് വിട്ടു. ഐസ്ലൻഡിലെ പ്രമുഖ ടോപ് ഡിവിഷൻ ക്ലബ്ബായ ബോർ അകുറെയ്റി (Þór Akureyri) യിലേക്കാണ് താരം ഇനി പന്ത തട്ടാൻ പോകുന്നത്.
കഴിഞ്ഞ ഐ.എസ്.എൽ സീസണിൽ കേരളാ ബ്ലാസ്റ്റേഴ്സിനായി പത്ത് മത്സരങ്ങളിൽ മാത്രം ബൂട്ടണിഞ്ഞ വിക്ടർ നാല് ഗോളുകൾ നേടി ടീമിന്റെ ടോപ് സ്കോററായിരുന്നു. നിലവിൽ ഐസ്ലൻഡ് ലീഗിൽ തരംതാഴ്ത്തൽ ഭീഷണി നേരിടുന്ന ബോർ അകുറെയ്റിയെ രക്ഷപ്പെടുത്തുക എന്ന വലിയ ദൗത്യമാണ് വിക്ടറിനെ കാത്തിരിക്കുന്നത്.
ALSO READ:
- ബ്ലാസ്റ്റേഴ്സിൽ ‘ആഷ്ലി യുഗം’ തുടരും: പക്ഷെ ഒരൊറ്റ ഡിമാൻഡ്
- ഞാൻ പറയുന്ന താരങ്ങളെ സ്വന്തമാക്കണം, ലിസ്റ്റ് കൈമാറി ആഷ്ലി: ഇനി കാര്യങ്ങൾ മാനേജ്മെന്റിന്റെ കൈയ്യിൽ
- ആദ്യ ട്രാൻസ്ഫർ നീക്കവുമായി കേരളാ ബ്ലാസ്റ്റേഴ്സ്: ലക്ഷ്യം ഒഡീഷ എഫ്സിയുടെ സൂപ്പർ താരം
English Summary: Spanish forward Víctor Bertomeu has departed Kerala Blasters to join Icelandic top division club Þór Akureyri. Having scored 4 goals in 10 matches during his stint, his sudden exit poses another major challenge for the Indian Super League side ahead of the upcoming season.