Kerala Blasters New Owner: കേരളാ ബ്ലാസ്റ്റേഴ്‌സിനെ മാഗ്നം സ്‌പോർട്‌സിന്റെ കീഴിൽ നിന്നും സ്വന്തമാക്കി ക്ലബ്ബിന്റെ പൂർണ്ണ ഉടമസ്ഥാവകാശം ഏറ്റെടുത്ത അൽ ഫുർസാൻ ഗ്രൂപ്പ് മേധാവി ഷെയ്ഖ് അഹമ്മദ് ബിൻ ഫൈസൽ അൽ ഖാസിമിയ്ക്ക് ഗംഭീര വരവേൽപ്പ് നൽകാനൊരുങ്ങി ബ്ലാസ്റ്റേഴ്‌സ് ആരാധകർ. സാമ്പത്തിക-ഭരണ പ്രതിസന്ധികളിൽ ഉലഞ്ഞ ക്ലബ്ബിന് പുതിയ ജീവൻ നൽകിയ ഷെയ്ഖിന്റെ വരവ് ആരാധകർക്ക് വലിയ പ്രതീക്ഷയാണ് നൽകുന്നത്. ഒക്ടോബർ 25-ന് മുംബൈ സിറ്റി എഫ്‌സിക്കെതിരെ കൊച്ചി ജവഹർലാൽ നെഹ്‌റു സ്റ്റേഡിയത്തിൽ നടക്കുന്ന ഈ സീസണിലെ ആദ്യ ഹോം മത്സരം നേരിട്ട് വീക്ഷിക്കാൻ അദ്ദേഹം കൊച്ചിയിലെത്തും.
കൊച്ചിയിൽ ഒരുങ്ങുന്ന സർപ്രൈസ് സ്വീകരണം (Kerala Blasters New Owner Grand Welcome)
സ്റ്റേഡിയത്തിൽ എത്തുന്ന പുതിയ ഉടമയെ സ്വീകരിക്കാൻ വലിയ തയ്യാറെടുപ്പുകളാണ് ബ്ലാസ്റ്റേഴ്‌സ് ആരാധക കൂട്ടായ്മകൾ ആസൂത്രണം ചെയ്യുന്നത്
- ഗാലറിയിൽ ഷെയ്ഖ് അഹമ്മദ് ബിൻ ഫൈസൽ അൽ ഖാസിമിയെ സ്വാഗതം ചെയ്തുകൊണ്ടുള്ള കൂറ്റൻ ടിഫോകളും ബാനറുകളും ഉയർത്താനാണ് ആരാധകക്കൂട്ടായ്മകളുടെ പദ്ധതി.
- ക്ലബ്ബിന്റെ പുതിയ വിപ്ലവത്തിന് നന്ദി പറഞ്ഞുകൊണ്ട് ആരാധകർ ഗാലറിയിൽ പ്രത്യേക ഫാൻ ചാന്റുകൾ മുഴക്കാനും പദ്ധതിയുണ്ട്.
- മത്സരത്തിന്റെ ഹാൽഫ്‌ ടൈം ഇടവേളയിൽ ഷെയ്ഖ് ആരാധകരെ അഭിസംബോധന ചെയ്ത് സംസാരിക്കുന്ന പ്രത്യേക ചടങ്ങും മാനേജ്‌മെന്റ് പ്ലാൻ ചെയ്യുന്നുണ്ട്.
പുതിയ യുഗത്തിലേക്ക് കേരളാ ബ്ലാസ്റ്റേഴ്‌സ് (KBFC New Ownership Al Fursan Group)
മാഗ്നം സ്‌പോർട്‌സിന് കീഴിൽ സാമ്പത്തിക പ്രതിസന്ധി നേരിട്ടിരുന്ന ബ്ലാസ്റ്റേഴ്സിന് മികച്ച താരങ്ങളെയോ പരിശീലകരെയോ ടീമിലെത്തിക്കാൻ കഴിഞ്ഞിരുന്നില്ല. ഇതോടെ ആരാധകർ പ്രതിഷേധവും മാഗ്നം സ്പോർട്സിനെതിരെ ഉയർന്നു.
തുടർന്നാണ് യുഎഇ കേന്ദ്രീകരിച്ച് പ്രവർത്തിക്കുന്ന പ്രമുഖ ബിസിനസ് ഗ്രൂപ്പായ അൽ ഫുർസാൻ ക്ലബ്ബിന്റെ ഭൂരിഭാഗം ഓഹരികളും സ്വന്തമാക്കാൻ മുന്നോട്ടുവന്നത്. പുതിയ മാനേജ്‌മെന്റ് എത്തിയതോടെ ക്ലബ്ബിന്റെ അക്കാദമി തലത്തിലുള്ള അടിസ്ഥാന സൗകര്യങ്ങൾ വർദ്ധിപ്പിക്കാനും ഐഎസ്എൽ കിരീടമെന്ന സ്വപ്നം യാഥാർത്ഥ്യമാക്കാനും സാധിക്കുമെന്ന ഉറച്ച വിശ്വാസത്തിലാണ് ആരാധകർ.
അൽപം വൈകിയാണ് എങ്കിൽ പോലും ഇത്തവണ മികച്ച നീക്കമാണ് പുതിയ മാനേജ്‌മെന്റിന്റെ കീഴിൽ ബ്ലാസ്റ്റേഴ്‌സ് നടത്തിയത്. പരിശീലകൻ ആഷ്‌ലി വെസ്റ്റ് വുഡിനെ നിലനിർത്തി എന്നതാണ് ഏറ്റവും പ്രധാന കാര്യം. കൂടാതെ ഇന്ത്യയിലെ ഏറ്റവും മികച്ച യുവതാരമായ മുഹമ്മദ് സനാനെ ടീമിലെത്തിക്കാൻ പുതിയ മാനേജ്‌മെന്റിന് സാധിച്ചിട്ടുണ്ട്.
മുഹമ്മദ് യാസിർ, അമരീന്ദർ സിങ്, തുടങ്ങിയ ഇന്ത്യൻ താരങ്ങളെയും ബ്ലാസ്റ്റേഴ്‌സ് ഇത്തവണ ടീമിലെത്തിച്ചിട്ടുണ്ട്.
അതേ സമയം ഒക്ടോബർ 10 ന് തുടങ്ങുന്ന സീസണിൽ ഒക്ടോബർ 11 നാണ് കേരളാ ബ്ലാസ്റ്റേഴ്സിന്റെ ആദ്യ മത്സരം. ഇന്റർ കാശിക്കെതിരെയാണ് ബ്ലാസ്റ്റേഴ്സിന്റെ ആദ്യ മത്സരം
ALSO READ:
- ലൂണയ്ക്ക് ശേഷം ആര്? ബ്ലാസ്റ്റേഴ്‌സ് ഉത്തരം കണ്ടെത്തുന്നു
- ട്രെഡിഷണൽ വിങ്ങറല്ല: ആന്ദ്രേ ഗ്രീനിന്റെ പ്ലെയിങ് സ്റ്റൈലും ദൗർബല്യങ്ങളും അറിയാം…
- ‘ഞെട്ടിക്കൽ ബ്ലാസ്റ്റേഴ്‌സ്’: മുൻ മാഞ്ചസ്റ്റർ യുണൈറ്റഡ് അക്കാദമി ഹെഡ് ഇനി ബ്ലാസ്റ്റേഴ്സിന്റെ ഡഗ് ഔട്ടിൽ
English Summary: Kerala Blasters fans are preparing a grand welcome for the Kerala Blasters new owner, Sheikh Ahmed Bin Faisal Al Qasimi of Al Fursan Group, during their first ISL home match against Mumbai City FC in Kochi.