ഒരു ബാറ്ററും ആഗ്രഹിക്കാത്ത നിർഭാഗ്യകരമായ പുറത്താകലുകളിൽ ഒന്നാണ് ഹിറ്റ് വിക്കറ്റ്. സ്വന്തം ബാറ്റ് കൊണ്ടോ ശരീരം കൊണ്ടോ വിക്കറ്റ് വീഴ്ത്തുന്ന ഈ രീതി കരിയറിൽ ഒരിക്കൽ ഉണ്ടായാൽ പോലും അത് വലിയ നിരാശയാണ് സമ്മാനിക്കുക.
എന്നാൽ ഐപിഎൽ ചരിത്രത്തിൽ ഇതുവരെ ആർക്കും ഉണ്ടാകാത്ത നാണക്കേടിന്റെ ഒരു അത്യപൂർവ്വ റെക്കോർഡ് സ്വന്തമാക്കിയിരിക്കുകയാണ് ഗുജറാത്ത് ടൈറ്റൻസിന്റെ യുവ ഓപ്പണർ സായ് സുദർശൻ. ടൂർണമെന്റിലെ ഏറ്റവും നിർണായകമായ രണ്ട് മത്സരങ്ങളിൽ ഒരേ രീതിയിൽ താരം പുറത്തായതാണ് സംഭവം.
രാജസ്ഥാൻ റോയൽസിതിരെ നടന്ന രണ്ടാം ക്വാളിഫയർ മത്സരത്തിലാണ് സായ് സുദർശൻ വീണ്ടും ഹിറ്റ് വിക്കറ്റായി കളം വിട്ടത്.
അത്ഭുതമെന്തെന്നാൽ റോയൽ ചലഞ്ചേഴ്സ് ബെംഗളൂരുവിനെതിരെ നടന്ന ആദ്യ ക്വാളിഫയർ മത്സരത്തിലും താരം ഇതേ രീതിയിൽ തന്നെയാണ് വിക്കറ്റ് നഷ്ടപ്പെടുത്തിയത്.
മത്സരത്തിൽ 32 പന്തിൽ 58 റൺസ് നേടി അർദ്ധസെഞ്ചുറി പൂർത്തിയാക്കി നിൽക്കുകയായിരുന്നു താരം.
ബ്രിജേഷ് ശർമ എറിഞ്ഞ പന്തിൽ ഒരു വലിയ ഷോട്ടിന് ശ്രമിച്ച സുദർശന്റെ ബാറ്റിന്റെ അരികിൽ തട്ടിയ പന്ത് തേർഡ് മാൻ ബൗണ്ടറി ലൈൻ കടന്നെങ്കിലും, ഷോട്ട് പൂർത്തിയാക്കിയ വേഗതയിൽ താരത്തിന്റെ കൈയിൽ നിന്നും ബാറ്റ് വഴുതി നേരെ പിന്നിലെ സ്റ്റംപിലേക്ക് വീഴുകയായിരുന്നു.
ഇതോടെ നിയമപ്രകാരം അമ്പയർ ഔട്ട് വിധിക്കുകയാണുണ്ടായത്.
റൺസ് ലഭിച്ചെങ്കിലും വിക്കറ്റ് നഷ്ടമായത് ഗുജറാത്ത് ക്യാമ്പിൽ വലിയ നിരാശയുണ്ടാക്കി.
ഗുജറാത്ത് ഓപ്പണർമാരുടെ റെക്കോർഡ് കൂട്ടുകെട്ടും വിജയവും
സുദർശൻ ഹിറ്റ് വിക്കറ്റായി പുറത്തായെങ്കിലും ഗുജറാത്ത മത്സരത്തിൽ പൂർണ്ണ മേധാവിത്വം സ്ഥാപിച്ചിരുന്നു.
രാജസ്ഥാൻ റോയൽസ് ഉയർത്തിയ 214 റൺസ് എന്ന കൂറ്റൻ വിജയലക്ഷ്യം പിന്തുടർന്ന് ഇറങ്ങിയ ഗുജറാത്തിന് വേണ്ടി ക്യാപ്റ്റൻ ശുഭ്മാൻ ഗില്ലും സായ് സുദർശനും ചേർന്ന് സ്വപ്നതുല്യമായ തുടക്കമാണ് നൽകിയത്.
ആദ്യ ഓവർ മുതൽ രാജസ്ഥാൻ ബൗളർമാരെ നാമാവശേഷമാക്കുന്ന ബാറ്റിങ് പ്രകടനമാണ് ഈ സഖ്യം പുറത്തെടുത്തത്.
ആദ്യ വിക്കറ്റിൽ 167 റൺസിന്റെ റെക്കോർഡ് കൂട്ടുകെട്ടാണ് ഇരുവരും ചേർന്ന് പടുത്തുയർത്തിയത്.
മത്സരത്തിന്റെ ആദ്യ 10 ഓവർ പിന്നിടുന്നതിന് മുൻപ് തന്നെ ഗുജറാത്ത് ടീമിന്റെ സ്കോർ 100 കടന്നിരുന്നു.
സായ് സുദർശൻ പുറത്തായതിന് ശേഷവും ക്യാപ്റ്റൻ ശുഭ്മാൻ ഗിൽ തന്റെ തകർപ്പൻ ബാറ്റിങ് തുടരുകയുണ്ടായി.
മത്സരത്തിൽ സെഞ്ചുറി നേടിയ ഗിൽ തന്റെ ഐപിഎൽ കരിയറിലെ അഞ്ചാമത്തെ സെഞ്ചുറിയും ക്യാപ്റ്റൻ എന്ന നിലയിലുള്ള രണ്ടാമത്തെ സെഞ്ചുറിയും നേടി.
ALSO READ: സഞ്ജുവിന്റെ ക്യാപ്റ്റൻസി മോഹത്തിന് വഴിമുടക്കി അഗാർക്കർ
2 മുൻ താരങ്ങൾ സിഎസ്കെയിലേക്ക്? നിഗൂഢത ഒളിപ്പിച്ച് അശ്വിൻ
മുംബൈ വിടുന്നു; സൂചനയുമായി ഹർദിക് പാണ്ട്യ
Summary: Gujarat Titans opener Sai Sudharsan created an unwanted record by getting out hit-wicket in two consecutive playoff matches. Despite his unfortunate dismissal for 58 runs, his massive 167-run opening partnership with skipper Shubman Gill helped Gujarat Titans successfully chase down 214 runs against Rajasthan Royals.