കേരള ബ്ലാസ്റ്റേഴ്സിന്റെ മധ്യനിര താരം ഡാനിഷ് ഫാറൂഖ് ക്ലബ്ബ് വിടാനൊരുങ്ങുന്നു. താരത്തിന്റെ പുതിയ നീക്കങ്ങളെ കുറിച്ചറിയാം..
ALSO READ:
- ബ്ലാസ്റ്റേഴ്സിൽ നാടകീയ നീക്കം: 2 വർഷത്തെ കരാർ ബാക്കി നിൽക്കെ രാജി
- ബ്ലാസ്റ്റേഴ്സിനെ വിറ്റഴിക്കാക്കാൻ മാഗ്നം: ഇടനിലക്കാരൻ അഭിക് ചാറ്റർജി
- ഇത്തവണ ഐഎസ്എല്ലിന് ‘ഗുമ്മുണ്ടാവില്ല’: കാരണം എഐഎഫ്എഫിന്റെ 2 നിയമങ്ങൾ
ഈസ്റ്റ് ബംഗാളിലേക്ക് ചേക്കേറാൻ ഡാനിഷ്
കായിക മാധ്യമപ്രവർത്തകനായ മാർക്കസ് മെർഗുല്ലോയുടെ റിപ്പോർട്ടുകൾ പ്രകാരം കൊൽക്കത്തൻ വമ്പന്മാരായ ഈസ്റ്റ് ബംഗാൾ ഡാനിഷ് ഫാറൂഖിനെ സ്വന്തമാക്കാൻ ശക്തമായി രംഗത്തുണ്ട്. 2023 മുതൽ കേരള ബ്ലാസ്റ്റേഴ്സിന്റെ മഞ്ഞക്കുപ്പായത്തിൽ കളിക്കുന്ന ഈ ഇരുപത്തൊൻപതുകാരൻ മധ്യനിര താരം പുതിയൊരു വെല്ലുവിളിക്ക് തയ്യാറെടുക്കുകയാണെന്നാണ് സൂചനകൾ. ബ്ലാസ്റ്റേഴ്സിനായി 38 മത്സരങ്ങളിൽ നിന്ന് 4 ഗോളുകൾ നേടിയ താരം കൂടിയാണ് ഈ കാശ്മീരി സ്വദേശി.
വിമർശനങ്ങളും കരിയറും
ചില സുപ്രധാന ഗോളുകൾ നേടിയിട്ടുണ്ടെങ്കിലും ബ്ലാസ്റ്റേഴ്സ് ആരാധകർക്കിടയിൽ അത്ര പ്രിയങ്കരനായ ഒരു താരമായി മാറാൻ ഡാനിഷിന് സാധിച്ചിരുന്നില്ല. മോശം ഫോമിന്റെയും കളിയിലെ പിഴവുകളുടെയും പേരിൽ മഞ്ഞപ്പടയുടെ ആരാധകരിൽ നിന്നും കടുത്ത വിമർശനങ്ങളാണ് താരം പലപ്പോഴും നേരിട്ടത്.
കരിയറിന്റെ തുടക്കത്തിൽ ലോൺസ്റ്റാർ കാശ്മീർ, റിയൽ കാശ്മീർ എന്നീ ടീമുകളിൽ തിളങ്ങിയ ഡാനിഷ് പിന്നീട് ബംഗളൂരു എഫ്സിയിലൂടെയാണ് ഐഎസ്എല്ലിൽ ശ്രദ്ധിക്കപ്പെടുന്നത്. ഇന്ത്യക്കായി ആറ് അന്താരാഷ്ട്ര മത്സരങ്ങൾ കളിച്ച പരിചയസമ്പത്തും ഈ മിഡ്ഫീൽഡർക്കുണ്ട്.
English Summary: According to reports, midfielder Danish Farooq leaves Kerala Blasters to potentially join East Bengal FC. The 29-year-old Kashmiri player, who faced regular criticism from fans over his performance since 2023, looks set for a new chapter in Kolkata after making 38 appearances for the Blasters.