Sanu
ഇന്ത്യൻ സൂപ്പർ ലീഗ് അടുത്ത സീസണിലേക്ക് വേണ്ടി ഓരോ ടീമുകളും തയ്യാറെടുപ്പുകൾ ആരംഭിച്ചപ്പോൾ ജൂൺ മുതൽ ആരംഭിക്കുന്ന ട്രാൻസ്ഫർ മാർക്കറ്റിലും നിരവധി ട്രാൻസ്ഫർ നീക്കങ്ങളാണ് നടക്കുന്നത്.
അടുത്ത സീസണിലേക്ക് വേണ്ടി കേരള ബ്ലാസ്റ്റേഴ്സ് എഫ് സി തങ്ങളുടെ താരങ്ങളുമായി അണിഞ്ഞൊരുങ്ങുമ്പോൾ അവസാന സീസണിൽ നിന്നും വളരെയധികം വ്യത്യസ്തമായാണ് ഈ സീസണിനെ വരവേൽക്കുന്നത്.
പുതിയ പരിശീലകനും നിരവധി പുതിയ താരങ്ങളുമായാണ് ബ്ലാസ്റ്റേഴ്സ് ഒരുങ്ങുക. കഴിഞ്ഞ സീസണിൽ ടീമിലുണ്ടായിരുന്ന സെർബിയൻ തന്ത്രഞ്ജൻ ഇവാൻ വുകമനോവിചിനെ കൂടാതെ നിരവധി ഫോറിൻ താരങ്ങളും ബ്ലാസ്റ്റേഴ്സ് വിട്ടു.
ഗോൾഡൻ ബൂട്ട് ജേതാവ് ദിമിത്രിയോസ്, ഡൈസുകി സകായ്, മാർക്കോ ലെസ്‌കോവിച് എന്നിവർ ടീമിനോട് വിട പറഞ്ഞപ്പോൾ പെപ്ര, മിലോസ് എന്നിവരുടെ ഭാവിയും ഉറപ്പിക്കാനായിട്ടില്ല. നിലവിൽ പുറത്തുവരുന്ന റിപ്പോർട്ടുകൾ പ്രകാരം ഘാന താരം ക്വാമി പെപ്രയും മോണ്ടിനെഗ്രോ താരം മിലോസ് എന്നിവരുടെ ബ്ലാസ്റ്റേഴ്സ് ടീമിലെ ഭാവി പുതിയ പരിശീലകനെ ആശ്രയിച്ചാണ്.
ഈ താരങ്ങളെ തന്റെ കളിശൈലിയിൽ വഴങ്ങുമെന്ന് മൈകൽ സ്റ്റാറെക്ക് തോന്നിയാൽ മാത്രമേ ഇരുതാരങ്ങളെയും ബ്ലാസ്റ്റേഴ്സ് ജേഴ്സിയിൽ കാണാനാവൂ. അതേസമയം മൈകൽ സ്റ്റാറെ പുതിയ വിദേശ താരങ്ങളെ ബ്ലാസ്റ്റേഴ്‌സിലേക്ക് കൊണ്ടുവരുമെന്ന് ഉറപ്പാണ്.
Also Read : കേരള ബ്ലാസ്റ്റേഴ്‌സിന്റെ അടുത്ത സൈനിങ്പൂർത്തിയായി, പ്രഖ്യാപനം ഉടൻ🔥
